بىرىككەن اراب امىرلىكتەرىنىڭ استاناسى ابۋ-دابي قالاسىندا تامىز ايىنىڭ 2-5 كۇندەرى ارالاس جەكپە-جەكتەن 12-17 جاس ارالىعىنداعى جاستار اراسىندا الەم چەمپيوناتى ءوتىپ جاتىر. جارىستىڭ ءۇشىنشى كۇنى قازاقستان قورجىنىنا تاعى 3 مەدال ءتۇستى, دەپ حابارلايدى Egemen.kz.
فينالدا امەريكالىق برايسون بارروندى جەڭگەن 120,2 كەلىگە دەيىنگى اۋىر سالماقتاعى قوستانايلىق رادومير موروزوۆ چەمپيون اتاندى. الەم چەمپيوناتىندا قاراعاندىلىق ەگور جەلتوۆ (52,2 كەلىگە دەيىن) پەن پاۆلودارلىق ەلميرا ميحمەنديەۆا (52,2 كەلىگە دەيىن) قولا مەدال يەگەرلەرى بولدى.
ەسكە سالساق, بۇعان دەيىن ءوز سالماقتارىندا ماڭعىستاۋلىق ەركەبۇلان يسلامعالي الەم چەمپيونى اتانىپ, تۇركىستاندىق پەردەبەك ورىنباسار قولا جۇلدەنى يەلەنگەن.
46 ەلدەن 653 سپورتشى قاتىسىپ جاتقان تاريحتاعى ەڭ ءىرى چەمپيوناتتا قازاقستان قۇراماسى ساپىندا 14-15 پەن 16-17 جاس ارالىعىنداعى 35 سپورتشى بار.
ەلىمىزدىڭ قورجىنىندا ەكى التىن مەن ءۇش قولا, بارلىعى بەس مەدال بار.