سينوپتيكەردڭ بولجاۋىنشا, 3 تامىز كۇنى اتموسفەرالىق فرونتالدى بولىكتەردىڭ وتۋىمەن ەلىمىزدىڭ باسىم بولىگىندە جاڭبىر جاۋىپ, نايزاعاي وينايدى, دەپ حابارلايدى Egemen.kz «قازگيدرومەت» رمك-عا سىلتەمە جاساپ.
وڭتۇستىكتە – جاۋىن-شاشىنسىز, سولتۇستىكتە تۇندە جانە تاڭەرتەڭ تۇمان كۇتىلەدى, شىعىستا كۇندىز بۇرشاق جاۋى ىقتيمال. رەسپۋبليكا بويىنشا ەكپىندى جەل تۇرادى.
«كۇندىز الماتى, جامبىل, تۇركىستان, اتىراۋ, ماڭعىستاۋ, باتىس قازاقستان, جەتىسۋ, ۇلىتاۋ وبلىستارىندا, اباي, اقتوبە, قاراعاندى وبلىستارىنىڭ وڭتۇستىگىندە 35-40°س قاتتى ىستىق كۇتىلەدى. ءتىپتى الماتى وبلىسىندا 40-42°س اپتاپ ىستىق بولادى», دەپ جازدى «قازگيدرومەت» رمك.
سونىمەن قاتار اقمولا, سولتۇستىك قازاقستان وبلىستارىندا, باتىس قازاقستان وبلىسىنىڭ وڭتۇستىگى مەن ورتالىعىندا, اتىراۋ وبلىسىنىڭ سولتۇستىگىندە ءورت تۇتانۋدىڭ جوعارى قاۋپى ساقتالادى.
«ماڭعىستاۋ, تۇركىستان, الماتى, جامبىل, شىعىس قازاقستان, قاراعاندى, قىزىلوردا, ۇلىتاۋ, جەتىسۋ, اباي وبلىستارىندا, قوستاناي, اقتوبە وبلىستارىنىڭ وڭتۇستىگىندە, اتىراۋ وبلىسىنىڭ باتىسى مەن شىعىسىندا, پاۆلودار وبلىسىنىڭ ونتۇستىگى مەن شىعىسىندا, اقمولا وبلىسىنىڭ وڭتۇستىگى مەن باتىسىندا, باتىس قازاقستان وبلىسىنىڭ باتىسىندا, سولتۇستىك-باتىسى مەن سولتۇستىك-شىعىسىندا ءورت تۇتانۋدىڭ اسا جوعارى قاۋپى كۇتىلەدى», دەلىنگەن «كازگيدرومەت» تاراتقان مالىمەتتە.