اسكەردىڭ تەگەۋرىندى كۇشى

بۇل شاراعا تانكيستەر ۇزاق ۋاقىت جانە تياناقتى دايىندالدى. جات­تى­عۋلار الدىندا تەوريالىق جانە پراك­تيكالىق, اتاپ ايتساق, اتىس قالا­شى­عىنداعى بىرنەشە ساعاتتىق ساباق­تار, تانك الاڭىندا كولىك جۇرگىزۋ جانە باقىلاۋ اتىستارىن ورىنداۋ دايىن­دىق­تارى بولدى.

جاتتىعۋدى ورىنداۋ شارتتارى بو­يىنشا اسكەري قىزمەتشىلەر 1 500-دەن 1 700 مەترگە دەيىنگى قاشىقتىقتاعى تانك نىساندارىن, ودان بولەك 600-دەن 900 مەترگە دەيىنگى قاشىقتىقتاعى وقشا­شار نىساندارىن جويۋ قاجەت. اتىس اياقتالعاننان كەيىن ماشي­نالار­ باس­تاپقى ورىندارىنا ورالدى. تانك­تەر­دىڭ جەكە قۇرا­مى ساپ تۇزەپ, ال كومان­دير ەكيپاجداردىڭ جۇمىسىن باعا­­لادى. سونىمەن قاتار اتىس كۇن­دىز­گى ۋاقىت­تا عانا ەمەس, تۇندە دە جۇر­گىزىلدى.

تانكپەن شتاتتىق سناريادتى اتۋ­ – تانكيستەردىڭ جاۋىنگەرلىك دايىن­­دىعىنىڭ نەگىزگى ەلەمەنتى. سون­­دىق­­تان شتاتتىق سناريادتى­ اتۋ جىلى­نا­ ەكى رەت, ال وعان دايىندىق تۇراق­تى تۇر­دە جۇرگىزىلەدى.

– بارلىق ەكيپاج بۇل جات­تى­عۋدى سەنىم­دى تۇردە ورىندادى. ناتيجەسىندە, بولىمشە «جاقسى» دەگەن باعا الدى. اتىس جاتتىعۋىنىڭ ءساتتى ءوتۋى كوبىنەسە تەحنيكانى دايىنداۋعا بايلانىستى. تان­كيستەر بۇل تاپسىرمانى جوعارى دەڭگەيدە ورىندادى. اتىس بارىسىندا كەزدەسكەن كەمشىلىكتەردى ەكيپاج كۇشتەرى, سونداي-اق جوندەۋ بولىم­شە­لەرىنىڭ اسكەري قىزمەتشىلەرى مەن تەح­نيك ماماندارى ءساتتى ەڭسەرىپ وتىر­دى, – دەدى بريگادا كومانديرىنىڭ جاۋىن­گەر­­لىك دايارلىق جونىندەگى ورىنباسارى, پود­­­­­پول­­كوۆنيك ساعي باتىرحانوۆ.

اتىس ناتيجەلەرى بويىنشا جات­تى­عۋدى «وتە جاقسى» ورىنداعان اسكەري قىز­مەتشىلەردى بريگادا باسشىلىعى مارا­پاتتادى. ۇزدىكتەر قاتارىندا تانك كومانديرى, سەرجانت نۇرىم قۇمار­بەك, مەحانيك-جۇرگىزۋشى, سەرجانت نۇر­سۇلتان قۇنداقباەۆ جانە مەر­زىمدى قىز­مەتتەگى اسكەري قىزمەتشى, جاۋىن­گەر­لىك كولىكتىڭ كوزدەۋشى-وپەرا­تو­رى, قاتارداعى جاۋىنگەر ماقسات قۇرال بار.

 – مەن تانكتىڭ شتاتتىق سناريادىن ءۇشىنشى رەت اتىپ تۇرمىن, سوندىقتان جاتتىعۋدى ورىندار الدىندا ەشقانداي تولقۋ بولعان جوق. ءبارى ويداعىداي ءوتىپ, ۇزدىكتەر قاتارىنان كورىنگەنىمە قۋا­نىش­تىمىن. وتانىمىزدى ويداعىداي قور­عاۋعا ءاردايىم دايىنبىز, – دەدى قاتارداعى جاۋىنگەر ماقسات قۇرال.