اقش-تاعى گارۆارد ۋنيۆەرسيەتىنىڭ ارحەولوگ-انتروپولوگى جانە ورتالىق ازيا زەرتتەۋ ينستيتۋتىنىڭ دوكتورانتى كريستەن پيرسون حانىم سوڭعى ەكى جىل ۇزدىكسىز بايولكەلىك قازاقتاردىڭ سىرمالى, توقىمالى, كەستەلى قولونەر بۇيىمدارى: سىرماق, تۇسكيىز, الاشا, ماياۋزا (كىشكەنتاي سىرماق) قاتارلى جادىگەرلەردى زەرتتەۋمەن اينالىسىپ, بۇلاردى ماتەريالدىق جانە ماتەريالدىق ەمەس مادەني مۇرا رەتىندە رەسمي قۇجاتتاندىرۋ شاراسىن قولعا الدى.
زەرتتەۋشى بۇل جۇمىسىن ۇلىبريتانيا ءھام سولتۇستىك يرلانديا قۇراما كورولدىگى لوندون مۋزەيىنىڭ قولداۋىمەن ىسكە اسىرىپ وتىرعانىن ايتادى. ول بۇعان دەيىن ارحەولوگ رەتىندە وتۋكەن قويناۋىندا جۇرگىزىلگەن بىرىككەن قازبا جۇمىستارىنا قاتىسىپ, كونە تۇركىلەر قورىمىنان تابىلعان قولونەر بۇيىمدارىنداعى ويۋ-ورنەكتەر ەشقانداي وزگەرىسسىز قازىرگى تاڭدا باي-ولكە قازاقتارىنىڭ قولدانىسىندا جۇرگەنىن اڭعارادى.
«ەرتەدە, ياعني ەرتە ورتا عاسىر داۋىرىندە ءومىر سۇرگەن كوك تۇركىلەرگە ءتان قولدانبالى ونەر تۋىندىلارى مەن ءدال بۇگىنگى بايولكەلىك قازاقتار جاساعان بۇيىمدارداعى ورنەكتىڭ دالمە-دالدىگى مەنى تاڭداندىردى. مۇنداي سايكەستىكتى بۇعان دەيىنگى زەرتتەۋشىلەردىڭ اڭعارماعانى تۇسىنىكسىز. مەنىڭ نازارىمدى اۋدارعان دۇنيە وسى», دەيدى ك.پيرسون حانىم.
وسىلايشا, زەرتتەۋشىلىك جۇمىسىن باستاعان ول – بايولكەلىك تۇرعىندار- دىڭ قولدانىسىندا جۇرگەن 1 مىڭنان استام سىرماق, تۇسكيىز, الاشا سياقتى ونەر تۋىندىلارىن رەسمي قۇجاتتان- دىرىپتى. الداعى كۇندەرى بۇل بۇيىمداردىڭ فوتو-قۇجاتىن اعىلشىن تىلىندە ارنايى البوم-كىتاپ ەتىپ شىعارۋ ويىندا بار كورىنەدى.