دارىگەرلەر قاراعاندى وبلىسى بويىنشا بالالارعا ارنالعان ارناۋلى الەۋمەتتىك قىزمەت كورسەتۋ ورتالىعىندا جاپپاي ۋلانعان بالالاردىڭ قازىرگى جاعدايى تۋرالى ايتتى, دەپ حابارلايدى Egemen.kz.
وبلىستىق دەنساۋلىق ساقتاۋ باسقارماسى ەكى بالانىڭ اۋرۋحانادان شىعارىلعانىن ايتتى.
«قازىرگى تاڭدا ەكى بالانىڭ جاعدايى جاقسارىپ, اۋرۋحانادان ەمدەلىپ شىقتى. ولار دارىگەردىڭ باقىلاۋىندا بولادى. قازىرگى تاڭدا ەمحانانىڭ مەديتسينا قىزمەتكەرلەرى كەزەكشىلىك ۇيىمداستىرىپ, بالالاردىڭ جاعدايىن باقىلاپ ءجۇر», دەپ حابارلادى قاراعاندى وبلىسى اكىمدىگىنىڭ ءباسپاسوز قىزمەتى.
ال ستاتسيوناردا ەمدەلىپ جاتقان بالالاردىڭ جاعدايى تۇراقتى.
ايتا كەتەيىك, 1 تامىز كۇنى قاراعاندى وبلىسىنداعى مۇمكىندىگى شەكتەۋلى بالالارعا ارناۋلى الەۋمەتتىك قىزمەت كورسەتۋ ورتالىعىندا جاپپاي ۋلانۋ فاكتىسى تىركەلدى. سالدارىنان ءبىر بالا قايتىس بولىپ, تاعى التاۋى جانساقتاۋ بولىمىنە جاتقىزىلعان ەدى.