ماگيستراتۋراعا كەشەندى تەستىلەۋ باستالعالى 23 مىڭعا جۋىق ادام ەمتيحان تاپسىرسا, ولاردىڭ 43 پايىزى شەكتى بالل جينادى. ورتاشا كورسەتكىش – 73 بالل. ەڭ جوعارى بالل – 130. بۇل ارالىق مالىمەتتەردى عىلىم جانە جوعارى ءبىلىم مينيسترلىگى جاريا ەتتى, دەپ حابارلايدى Egemen.kz.
«ۇلتتىق بىرىڭعاي تەستىلەۋدەگى سەكىلدى كەشەندى تەستىلەۋگە كىرگىزۋ ءۇش دەڭگەيلى جۇيە بويىنشا جۇزەگە اسىرىلادى: Face ID جەكە باسىن سايكەستەندىرۋ ارقىلى, جەكە كۋالىك بويىنشا, سونداي-اق وتىرعىزۋ ورنىندا جەكە باسىن سايكەستەندىرۋ جۇرگىزىلەدى. قابىلدانعان شارالار ارقاسىندا تەستىلەۋدە بوگدە تۇلعالار انىقتالعان جوق», دەدى ۇلتتىق تەستىلەۋ ورتالىعىنىڭ ديرەكتورى رۋسلان ەمەلباەۆ.
ايتا كەتەيىك, تەستىلەۋ باستالعالى 149 قاتىسۋشىنىڭ ناتيجەسى جويىلعان. ونىڭ ىشىندە 92 ادام سمارتفون, شپارگالكا جانە باسقا دا تىيىم سالىنعان زاتتاردى الىپ وتۋگە تىرىسسا, تەستىلەۋ كەزىندە ەرەجەلەردى بۇزعانى ءۇشىن اۋديتوريادان 57 ادام شىعارىلعان.
ەستەرىڭىزگە سالا كەتەيىك, بيىل ماگيستراتۋراعا ارنالعان كەشەندى تەستىلەۋ 10 تامىزعا دەيىن جالعاسادى.