پرەمەر-ءمينيستردىڭ ورىنباسارى – ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆانىڭ توراعالىعىمەن وتكەن كەڭەستە مينيسترلىكتەر مەن اكىمدىكتەردىڭ بالالار قاۋىپسىزدىگىن قامتاماسىز ەتۋ, سۋمەن قامتۋ, مەكتەپتەردىڭ سانيتارياسى, تاماقتاندىرۋدى جانە بالالاردىڭ جازعى دەمالىسىن ۇيىمداستىرۋ مەن ساۋىقتىرۋ لاگەرلەرىن قۇرۋ جونىندەگى جۇمىستارىنىڭ قورىتىندىلارى تىڭدالدى. ۆيتسە-پرەمەر بۇل ماسەلەلەردىڭ ەرەكشە باقىلاۋدا ەكەنىن جانە ۇكىمەت تاراپىنان تۇراقتى تۇردە قارالاتىنىن اتاپ ءوتتى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
وقۋ-اعارتۋ ۆيتسە-ءمينيسترى ە. وسپان بەينەكامەرالاردى تەكسەرۋ ناتيجەلەرى مەن مەكتەپتەردەگى بالالاردىڭ قاۋىپسىزدىگىن قامتاماسىز ەتۋ جونىندەگى ءىس-قيمىلداردىڭ بىرىڭعاي الگوريتمى تۋرالى باياندادى.
ت. دۇيسەنوۆا وقۋ-اعارتۋ, ىشكى ىستەر, تسيفرلىق دامۋ مينيسترلىكتەرىنە ءبىلىم بەرۋ ۇيىمدارىنىڭ قاۋىپسىزدىك جۇيەلەرىنە قويىلاتىن بىرىڭعاي تالاپتاردى قامتاماسىز ەتۋدى تاپسىردى.
دەنساۋلىق ساقتاۋ, وقۋ-اعارتۋ, ساۋدا جانە ينتەگراتسيا مينيسترلىكتەرىنە حالىقارالىق تالاپتاردى ەسكەرە وتىرىپ, مەكتەپتەردەگى سانيتاريا مەن گيگيەنانىڭ ۇلتتىق ستاندارتىن ازىرلەۋ تاپسىرىلدى.
سونداي-اق پرەمەر-ءمينيستردىڭ ورىنباسارى وقۋ-اعارتۋ, دەنساۋلىق ساقتاۋ, توتەنشە جاعدايلار مينيسترلىكتەرىنە جازعى لاگەرلەردىڭ قىزمەتىن مۇقيات زەردەلەپ, ورىن العان بارلىق كەمشىلىكتەردى جويۋدى جانە كەلەسى ماۋسىمدا بالالاردىڭ جازعى دەمالىسىن ۇيىمداستىرۋ بويىنشا الدىن الۋ شارالارىن قابىلداۋدى تاپسىردى.
«بالالاردىڭ دەمالىسى مەن بوس ۋاقىتىن وتكىزەتىن نىساندار, بالالار ورتالىقتارى كوپفۋنكتسيونالدى بولۋى ءتيىس, وندا بالالاردىڭ جان-جاقتى, زياتكەرلىك, شىعارماشىلىق, فيزيكالىق دامۋى قامتاماسىز ەتىلۋى قاجەت», دەپ اتاپ ءوتتى تامارا دۇيسەنوۆا.