قازاقستان مەن كاتار اراسىندا رەيستەر سانى ارتىپ كەلەدى

2023 جىلعى 26-27 شىلدەدە قازاقستان مەن كاتاردىڭ اۆياتسيالىق بيلىگى اراسىندا ەكى ەل تاسىمالداۋشىلارىنىڭ قاتىسۋىمەن كەلىسسوزدەر ءوتتى.

قازاقستان تاراپىنان دەلەگاتسيانى قر يدم ازاماتتىق اۆياتسيا كوميتەتىنىڭ توراعاسى تالعات لاستاەۆ, كاتار تاراپىنان - كاتار اۆياتسيالىق بيلىگىنىڭ باسشىسى موحامەد ءال-حادجري باسقاردى.

كەلىسسوزدەر قورىتىندىسى بويىنشا رەيستەردى ورىنداۋ ءۇشىن قۇقىقتىق بازانى كەڭەيتەتىن ءوزارا تۇسىنىستىك تۋرالى مەموراندۋمعا قول قويىلدى:

ءار تاراپتان استانا جانە دوحا قالالارى اراسىندا اپتاسىنا 7-دەن 14 رەيسكە دەيىن; ءار تاراپتان الماتى جانە دوحا قالالارى اراسىندا اپتاسىنا 7-دەن 14 رەيسكە دەيىن; «اۋا ەركىندىگىنىڭ» 5 دارەجەسىن قوسا العاندا, ءار جاعىنان اپتاسىنا 7-دەن 10-عا دەيىن جۇك رەيسى.

وسىلايشا, رۇقسات ەتىلگەن جيىلىكتەر سانى اپتاسىنا 21-دەن 38 رەيسكە دەيىن ءوستى.

قول جەتكىزىلگەن ۋاعدالاستىقتار نەگىزىندە «Qatar Airways» اۋە كومپانياسى وسى جىلدىڭ سوڭىنا دەيىن الماتى - دوحا باعىتى بويىنشا ورىندالاتىن رەيستەر سانىن كۇنىنە 1-دەن 2 رەتكە دەيىن (اپتاسىنا 7-دەن 14 رەيسكە دەيىن) ۇلعايتۋدى جوسپارلاپ وتىر.

سونداي-اق 2024 جىلدىڭ ورتاسىندا اۋە كومپانيا استانا-دوحا باعىتى بويىنشا اۋە قاتىناسىن اشۋدى جوسپارلاپ وتىر.

قازىرگى ۋاقىتتا «Qatar Airways» اۋە كومپانياسى قازاقستانعا باعىت بويىنشا رەيستەردە, ونىڭ ىشىندە «بوينگ-787 دريملاينەر» ۇلگىسىندەگى كەڭ فيۋزەلياجدى اۋە كەمەلەرىن پايدالانادى. كەلىسسوزدەر بارىسىندا اۋە كومپانيا قازاقستان رەسپۋبليكاسىنا رەيستەردە اۋە كەمەلەرىنىڭ وسى تۇرلەرىن پايدالانۋدى ارتتىراتىنىن حابارلادى.

قازاقستان مەن كاتار اراسىنداعى رەيستەر سانىنىڭ ارتۋى ەلدەر اراسىنداعى تۋريستىك, مادەني, ينۆەستيتسيالىق جانە ىسكەرلىك ىنتىماقتاستىقتى دامىتۋدى جەدەلدەتۋگە مۇمكىندىك بەرەدى.