اباي وبلىسىنىڭ بەسقاراعاي اۋدانىندا 15 شىلدەدە تۇتانعان ورمان ءورتى قولايسىزدىقتارعا بايلانىستى 11 كۇنگە سوزىلىپ, 26 شىلدەدە تولىق ءسوندىرىلدى, دەپ حابارلايدى Egemen.kz.
15 شىلدەدە ورتكە قارسى قىزمەتكە بەگەنەۆ ورمانشىلىعىندا قۇرعاق شوپتىڭ ورتەنىپ جاتقانى جانە ورمان قورىنا قاۋىپ بار ەكەنى تۋرالى حابارلاما تۇسكەن بولاتىن. «سەمەي ورمانى» موتر جانە اباي وبلىسى تجد قىزمەتكەرلەرى دەرەۋ وقيعا ورنىنا بارعان.
«26 شىلدە كۇنى ساعات 18:00-دە بەسقاراعاي اۋدانىنداعى ورمان ءورتى 385 گەكتار القاپتا تولىعىمەن ءسوندىرىلدى», دەپ حابارلادى اباي وبلىسى تجد ءباسپاسوز قىزمەتى.
تجد وكىلدەرىنىڭ ايتۋىنشا, جوعارى اۋا تەمپەراتۋراسى, قاتتى جەل, تىعىز وسەتىن داقىلداردىڭ بولۋى, تۇزدى جانە باتپاقتى جەرلەردىڭ بولۋى ءورت ءسوندىرۋ جۇمىستارىن قيىنداتقان. اتالعان قولايسىزدىقتارعا قاراماستان ۇيلەسىمدى ءىس-قيمىل ارقاسىندا ءورت تولىعىمەن ءسوندىرىلدى.