ەلىمىزدە جۇرگىزىلگەن عارىشتىق مونيتورينگ ناتيجەسىندە اۋىل شارۋاشىلىعى ماقساتىندا پايدالانىلاتىن جايىلىم القاپتارىنىڭ 40 پايىزى ناشار ەكەندىگى انىقتالدى, دەپ حابارلايدى Egemen.kz.
ورتالىق كوممۋنيكاتسيالار قىزمەتىندە وتكەن بريفينگتە اەروعارىش كوميتەتىنىڭ توراعاسى باۋبەك ورالماعامبەتوۆ: «بىلتىر كوكتەمدە قازاقستاننىڭ 60 اۋدانى بويىنشا جايىلىم القاپتاردىڭ 26,2%-ى وتە ناشار جانە 33,4%-ى ناشار جاعدايدا ەكەنى انىقتالدى», دەدى.
ال بيىل كوكتەمدە جۇرگىزىلگەن مونيتورينگ قورىتىندىسى بويىنشا 40% جايىلىم جەردىڭ جاعدايى وتە ناشار, 4 ملن گەكتار جايىلىم جەر قاتتى دەڭگەيدە دەگراداتسيالانعان, وسىمدىكتەردىڭ ورتاشا ونىمدىلىگى – گەكتارىنا 4,6 تسەنتنەر.