اقتوبە وبلىسى ايتەكە بي اۋدانىندا ءۇش ءجاسوسپىرىم قىز سۋعا باتىپ كەتتى, دەپ حابارلايدى Egemen.kz. وبلىستىڭ توتەنشە جاعدايلار دەپارتامەنتىنىڭ ءباسپاسوز قىزمەتىنە سىلتەمە جاساپ.
ساعات 16:45-تە قۇتقارۋ قىزمەتىنە ايتەكە بي اۋدانى ارالتوعاي اۋىلىنان 3 شاقىرىم قاشىقتىقتا جاتقان ىرعىز وزەنىنە 3 ءجاسوسپىرىم قىزدىڭ سۋعا باتىپ كەتكەنى تۋرالى حابارلاما كەلىپ تۇسكەن. ولار تىيىم سالىنعان جەردە شومىلعان.
2007 جانە 2011 جىلعى قىزداردىڭ دەنەسىن وقيعا ورنىندا كۋاگەرلەر سۋدان الىپ شىققان. ال 2013 جىلى تۋعان قىزدىڭ دەنەسىن جەدەل قۇتقارۋ جاساعىنىڭ قۇتقارۋشىلارى ساعات 21:32-دە جاعادان 10 مەتر قاشىقتىقتا 6 مەتر تەرەڭدىكتەن شىعارعان.
«الدىن-الا بولجام بويىنشا, 2007, 2011 جانە 2013 جىلى تۋعان 3 قىزدىڭ ەكەۋى – ايتەكە بي اۋدانىنىڭ تۇرعىندارى, ءۇشىنشىسى ىرعىز اۋدانىنان سول اۋىلعا قوناققا بارعان. سۋعا شومىلۋ كەزىندە ءبىر قىز بالانىڭ اناسى ولاردىڭ جانىندا بولعان», دەپ حابارلادى اقتوبە وبلىسىنىڭ توتەنشە جاعدايلار دەپارتامەنتى.