پرەزيدەنت️ قاسىم-جومارت توقاەۆ ساۋد ارابياسىندا ءوتىپ جاتقان «ورتالىق ازيا + شىعاناقتاعى اراب مەملەكەتتەرىنىڭ ىنتىماقتاستىق كەڭەسى» ءبىرىنشى سامميتىندە ايماقارالىق ءتۋريزمدى دامىتۋ ماسەلەسى نازاردان تىس قالماۋى كەرەك ەكەنىن ايتتى, دەپ حابارلايدى Egemen.kz.
«ورتالىق ازيادا پايدالانۋ قاجەت بىرەگەي تۋريستىك رەسۋرستار بار. تۋريزم يندۋسترياسى - ايماق ەكونوميكاسىنىڭ قارقىندى دامىپ كەلە جاتقان سالالارىنىڭ ءبىرى. وسىعان بايلانىستى ءبىز تۋريستىك ءونىمدى مادەني-تانىمدىق, ەكولوگيالىق, سپورتتىق, ساۋىقتىرۋ جانە ىسكەرلىك سالالاردا ءوزارا ىلگەرىلەتۋدى دامىتۋعا دايىنبىز», دەدى پرەزيدەنت.
قاسىم-جومارت كەمەل ۇلى ايتىپ وتكەندەي, بۇگىندە قازاقستان اراب مەملەكەتتەرىنىڭ ىنتىماقتاستىق كەڭەسىنىڭ بارلىق ەلدەرى ءۇشىن ۆيزاسىز رەجيم ەنگىزدى.
«بۇگىنگى تاڭدا قازاقستان اراب مەملەكەتتەرىنىڭ ىنتىماقتاستىق كەڭەسىنىڭ بارلىق ەلدەرى ءۇشىن ۆيزاسىز رەجيمدى ەنگىزدى, ەلدەردىڭ استانالارىمەن دە تىكەلەي اۋە قاتىناسىن جولعا قويدىق.
مەن العا قويعان باستامالار قازاقستاننىڭ ءوزارا ورنىقتى ءوسۋ مەن وركەندەۋدى قامتاماسىز ەتۋ مۇددەسىندە ءبىزدىڭ ىنتىماقتاستىعىمىزدى نىعايتۋعا دەگەن ۇمتىلىسىن راستايتىنىن اتاپ وتكىم كەلەدى», دەپ تۇيىندەدى مەملەكەت باسشىسى.