الماتى قالاسىندا بيىل 16 925 اپاتتى اعاش كەسۋ جوسپارلانعان, جىل باسىنان بەرى 2,5 مىڭنان استام اعاش الىندى. ءبىر اعاشتىڭ ورنىنا 10 جاسىل جەلەك ەگىلەدى, ياعني 160 مىڭنان استام اعاش وتىرعىزىلادى, دەپ حابارلايدى Egemen.kz قالا اكىمدىگىنىڭ ءباسپاسوز قىزمەتىنە سىلتەمە جاساپ.
قالا اكىمدىگىنىڭ جازۋىنشا, اپاتتى اعاشتاردى انىقتايتىن ارنايى جاسىل كوميسسسيانىڭ قۇرامىندا ەكولوگتار, بيولوگتار, ەكوبەلسەندىلەر بار. سونداي-اق اعاشتاردىڭ اپاتتىلىعىن انىقتاۋ ماقساتىندا ينستيتۋتتاردىڭ عىلىمي قىزمەتكەرلەرى, قالا تۇرعىندارى تارتىلىپ, مۇقيات تالداۋ جاسالادى.
قالالىق ەكولوگيا جانە قورشاعان ورتا باسقارماسىنىڭ مونيتورينگ ءبولىمىنىڭ باسشىسى نۇرلان قۇتتىباەۆتىڭ ايتۋىنشا, قازىرگى ۋاقىتتا شاھار اۋماعىندا اپاتتى اعاشتاردى كەسۋگە 35-تەن استام تەحنيكا مەن 180-نەن استام ادام جۇمىلدىرىلعان. جۇمىستار جاسىل جەلەكتەردى كۇتىپ ۇستاۋ تالاپتارىن ساقتاي وتىرىپ جۇرگىزىلەدى, جاقىن ماڭداعى ۇيلەردىڭ تۇرعىندارىنا جاسىل جەلەكتەردى كەسۋدىڭ باستالعانى تۋرالى الدىن-الا حابارلانادى. بۇعان دەيىن ارنايى بەلگىلەر ورناتىلىپ, اۋماقتار قورشالادى.