كەڭەس بەردالي ۇلى بەرداليەۆ. بۇگىن ءبىز ونىڭ ومىردەن وتكەنىنە قايعىلىمىز. بىراق ونىڭ ەلىمىزگە سىڭىرگەن ەرەن ەڭبەگى ەشقاشان ۇمىتىلمايدى. جارقىن بەينەسى كەزىندە ونىڭ شىنايى قامقورلىعىن كورىپ, شىن جۇرەكتەن العىسىن ايتقان كوپتەگەن ادامداردىڭ جادىنان ەشقاشان وشپەيدى.
ءبىزدىڭ شاڭىراقتىڭ يەسى, ەلىمىزدىڭ قۇرمەتكە لايىق ازاماتى كەڭەس بەردالي ۇلى 54 جىل بويى حالقىمىزدىڭ يگىلىگى جولىندا ادال قىزمەت ەتتى. ەكونوميكالىق ءبىلىم بەرۋ سالاسىندا, سونىڭ ىشىندە «مەنەدجمەنت»پانى بويىنشا بىلىكتى كادرلار دايارلاۋعا ءوز ۇلەسىن قوسىپ, مەملەكەتىمىزدىڭ دامۋىنا جاردەمىن تيگىزدى. ارىپتەستەرى ونى «مەنەدجمەنتتىڭ اتاسى» دەپ ارداق تۇتتى.
كەڭەس بەردالي ۇلى بەرداليەۆ – الماتى حالىق شارۋاشىلىعى ينستيتۋتىنىڭ (قازىرگى ت.رىسقۇلوۆاتىنداعى قازاق ەكونوميكالىق ۋنيۆەرسيتەتى) –ەلىمىزدىڭ العاشقى ەكونوميكالىق جوعارى وقۋ ورنىنىڭ نەگىزىن قالاۋشىلاردىڭ ءبىرى.قازاقستاننىڭ ەڭبەك سىڭىرگەن قىزمەتكەرى, «پاراسات» وردەنىنىڭ يەگەرى, رەسپۋبليكا جوعارى مەكتەبى عىلىم اكادەمياسىنىڭ كوررەسپوندەنت-مۇشەسى, «مەنەدجمەنت»كافەدراسىنىڭ قۇرمەتتى مەڭگەرۋشىسى. ول ۋنيۆەرسيتەتتەگى بارلىق دەرلىك اكىمشىلىك لاۋازىمداردى ابىرويمەن اتقاردى, رەسپۋبليكاداعى العاشقى باسقارۋ كافەدراسىنىڭ نەگىزىن قالاۋشى, «مەنەدجمەنت»ماماندىعى بويىنشا وقۋ جوسپارلارىن ازىرلەۋشى بولىپسانالادى. نەگىزگى پاندەر مەن ماماندىقتار بويىنشا العاشقى وقۋ قۇرالدارى مەن وقۋلىقتاردىڭ, سونداي-اق ورىس جانە قازاق تىلدەرىندەگى وقۋ باعدارلامالارىنىڭ اۆتورى بولعانىن دا اتاپ ءوتۋ ماڭىزدى.
كەڭەس بەردالي ۇلى بەرداليەۆ قازاقستاننىڭ جوعارى ءبىلىم بەرۋ جۇيەسىندە جانە عىلىمي قوعامداستىعىندا كەڭىنەن تانىمال ەدى. ونىڭ الدىنان ءتالىم-تاربيە العان جۇزدەن استام تۇلەك بۇگىندە ەل ەكونوميكاسىنىڭ بارلىق سالاسىندا وزدەرىن بىلىكتى ماماندار رەتىندە تانىتىپ ءجۇر.
كەڭەس بايعازى ۇلى بەرداليەۆ تۋا بىتكەن تالانتتى, بىلىمگە قۇشتارلىعى زور جان ەدى. جاس كەزىنەن ىنتالى وقىپ, مەكتەپتى التىن مەدالمەن بىتىرگەن, بۇرىنعى س.م.كيروۆ اتىنداعى قازاق مەملەكەتتىك ۋنيۆەرسيتەتىندە (قازىرگى ءال-فارابي اتىنداعى قازاق ۇلتتىق ۋنيۆەرسيتەتەتىندە) ۇزدىك ستۋدەنت, ي.ۆ.ستالين كەيىن ۆ.ي.لەنين اتىنداعى ستيپەنديا يەگەرى اتانعان, جوعارى وقۋ ورنىن قىزىلديپلوممەن ءبىتىرىپ, ماسكەۋدەگى پلەحانوۆ اتىنداعى ەكونوميكا ينستۋتۋتىنىڭ اسپيرانتۋراسىنا ءتۇسىپ, كانديداتتىق ديسسەرتاتسياسىن ۋاقىتىندا ءاىرى ءساتتى قورعاپ, ءوزى وقىعان قازمۋ-ءدىڭ ەكونوميكا فاكۋلتەتىندە مۇعالىم بولىپ قىزمەت ىستەگەن. وسى فاكۋلتەتتىڭ نەگىزىندە 1963 جىلى اشىلعان نار حوزينستيتۋتىندا تاپجىلماي 50 جىلدان استام ءومىرىن ءبىلىم مەن عىلىمعا ارناپ, ۇلكەن ناتيجەلەرگە جەتتى. اسىرەسە جوعارى ءبىلىم جۇيەسىندە, ەكونوميكا عىلىمدارى سالاسىندا العان ورنى ەرەكشە. الماتى حالىق شارۋاشىلىعى ينستيتۋتىنىڭ العاشقى عىلىم دوكتورى ت.شاۋكەنباەۆ, ياحيا اۋباكىروۆ, د.قابديەۆ سىندى ۇستازدارىمەن قاتار, ەلىمىزدىڭ ءوندىرىس سالالارىن باسقاراتىن مامانداردى دايارلاۋعا بۇكىل ءومىرىن سارپ ەتتى. بيىك تالعامى, سيرەك تالانتى, ءبارىن وتە نازىك سەزىنىپ, تۇسىنەبىلەتىن سالماقتى مىنەزى, بىلگىرلىگى, ەڭبەكقورلىعى جانە ادامدارمەن ادەپتى قارىم-قاتىناسى, عىلىمي ەڭبەكتەرى بيىك تۇعىرعا كوتەرىلۋىنە, كورنەكتى تۇلعا بولىپ قالىپتاسۋىنا اسەرىن تيگىزدى.
ۇلى ويشىل ءابۋ ناسىر ءال-فارابي بابامىزدىڭ «ۇستاز – العىر دا, اڭعارىمپاز اقىل-يەسى, ونەر-بىلىمگە جانى قۇشتار اسقاق جان» دەگەن تۇجىرىمىنا ساي كەڭەس بايعازى ۇلى – ءبىلىم-پاراساتى, الەۋەتى, ينتەللەكتۋالدىلىعى اسا جوعارى, ادال, ءادىل, تالابى قاتاڭ, ستۋدەنتتەردىڭ ناعىز سۇيىكتى ۇستازى بولدى. ونىڭ دانالىعىن, وي-ساناسىنىڭ تەرەڭدىگىن, سوزگە شەشەندىگىن بىلگەن وقىتۋشىلار قاۋىمى مەن بارشا ينستيتۋت ۇجىمى ايرىقشا قۇرمەت تۇتتى.
«كوپشىلىككە كورسەتە الساڭ ونەگە, كوپشىلىك تە كوتەرەدى توبەگە» دەگەندەي, پروفەسسور بەرداليەۆادامگەرشىلىك قاسيەتىنە, ۇيىمداستىرۋشىلىق, قوعامدىق بەلسەندىلىگىنە بايلانىستى قىزمەت لاۋازىمى بىرتىندەپ جوعارىلاپ, كافەدرامەڭگەرۋشىسى, دەكاننىڭ ورىنباسارى, دەكان, پرورەكتور بولىپ قىزمەت اتقاردى. ماڭدايىنا باق قونىپ, بەرەكە-بىرلىكتە ءومىر ءسۇردى.
امەريكالىق جازۋشى دجەك لوندون «ادامنىڭ مىندەتى – كۇنەلتۋ ەمەس, ءومىر ءسۇرۋ, ەڭبەك ەتۋ» دەگەنەكەن. ەڭبەك ءتۇبى – بەرەكە, ەڭبەك – باقىت كىلتى. كەڭەس بايعازى ۇلى دا – ەڭبەگىمەن باقىتقا بولەنگەن جان. ءوز اسپيرانتتارىنىڭ ديسسەرتاتسيا قورعاپ, عىلىمي اتاق الۋىنا جەتەكشىلىك جاساپ, 23 جاسعالىمعا ەكونوميكا عىلىمدارىنىڭ كانديداتى اتاعىن اپەردى. كوپتەگەن عىلىمي ەڭبەكتەر,وقۋلىقتار, ادىستەمەلەر جازدى. اراسىندا ءوز ۇستازدارى, دوس-جولداستارى جانە ءوزىنىڭ ماقتان تۇتاتىن سۇيىكتى شاكىرتى اكادەميك كەنجەعالي ساعاديەۆ تۋرالى ەستەلىكتەرىن دە قاعاز بەتىنە ءتۇسىردى.
اكادەميك كەنجەعالي ساعاديەۆ تە: «مەنىڭ ۇستازىم, مەنىڭ ءپىرىم – كەڭەس بايعازى ۇلى بەرداليەۆ», دەپ ونى ايرىقشا ارداقتاپ, ۇستازى الدىندا باس ءيىپ ءوتتى.
كەڭەس بايعازى ۇلى ءبىلىم مەن عىلىم جولىندا سىڭىرگەن ەرەن ەڭبەگى ءۇشىن «پاراسات» وردەنىمەن ماراپاتتالدى, ۇلت ۇستازى احمەت بايتۇرسىن ۇلى اتىنداعى «كۇمىس مەدالعا» يە بولدى.
جيىرماسىنشى عاسىردىڭ 1952-1957 جىلدارى رەسپۋبليكاداعى جالعىز ۋنيۆەرسيتەت – قازمۋ-دىڭەكونوميكا فاكۋلتەتىندە بىرگە وقىپ, جاتاقحانانىڭبىر بولمەسىندە بىرگە تۇرعان كەڭەس بەرداليەۆ, يمانعالي اكيموۆ, ءاناپيا راحمانقۇلوۆ, ورنەك تاستەمىروۆ, كۋرستاس جولداستارى حاير وماروۆ, سۇلتان امانوۆ, سىرىم كەنجەباەۆ, ماسكەۋدىڭ پلەحانوۆ اتىنداعى ەكونوميكا ينستيتۋتىن بىتىرگەن جاراسبەك ابۋتاليپوۆ, قادىربەك تولتاەۆ, ءسابيت جازانوۆ – ات ءىزىن سۋىتپاي ءجيى ارالاسىپ, تۋعانباۋىرلارداي بولىپ كەتكەن ناعىز دوستار. «دوستى پەرىشتە قوسادى» دەگەندەي, ۋنيۆەرسيتەت بىتىرگەندەرىنە 15 جىل, 25 جىل تولعان توي-دۋماندارىن بىرگە وتكىزىپ, وتباسىلىق ءىس-شارالارىنا دا شاقىرىسىپ, ءومىردىڭ قىزىق-قۋانىشىنا دا, بولماي تۇرمايتىن قايعى-رەنىشىنەدە ورتاقتاس بولدى. حاير وماروۆتىڭ اسەم ءانى, سۇلتان امانوۆتىڭ دومبىرادا تارتقان كۇيى, ورنەك تاستەمىروۆتىڭ تاپقىر دا ادەپتى ءازىل-قالجىڭى توي-دۋماننىڭ كوركىن كىرگىزىپ, ومىرلىك دوستاردىڭ ءبىر-بىرىنە دەگەن سۇيىسپەنشىلىگى مەن سىيلاستىعى بىلايعى جۇرت تاڭداي قاعىپ, تامساناتىنداي تۇنعان ونەگە ەدى.
شىركىن, دۇنيە-اي, ءبارى ءوتتى دە كەتتى. دوسسىز – ءومىر بوس. ورىندارى ويسىراپ تۇرعان اسىل دوستارىمىز-اي!
ءومىر- ءومىر-اي,
بىردە تۇنىق, بىردە لاي.
ءومىر ءوتىپ بارادى,
قامشىنىڭ قىسقا سابىنداي.
ەسكە الامىز. ساعىنامىز. قۇداي قوسقان قوساعى – وتباسىنىڭ قۇت-بەرەكەسى, شاڭىراعىنىڭ ىرىسى قاينيكامالمەن 64 جىل وتاسىپ, ءومىردىڭ اششى-تۇششىسىن بىرگە تاتىپ, ءبىر-بىرىنە دەگەن سۇيىسپەنشىلىكتىڭ ارقاسىندا 4 پەرزەنت – 3 قىز, 1 ۇل كورىپ, تاربيەلەپ ءوسىردى, نەمەرە-شوبەرەلەرى دە بار. بارلىعى دا ومىردەن ءوز ورنىن تاۋىپ, وتباسىن قۇرعان, بالالارى, نەمەرەلەرى بار, تۇرمىستارى جاقسى.
كەڭەس بايعازى ۇلىنىڭ بۇكىل جوسپارىن, ويلاعان ويىن, اماناتىن ورىنداعان – بالالارى, اسىرەسە ۇلكەن قىزى سولەداد. ونىڭ جۇبايى عازيز –اسكەري اتاعى گەنەرال, تەكتى وتباسىنان شىققان, اقىلدى, تاربيەلى, ءوز ىسىنە جاۋاپتى ازامات. اينالايىن عازيزگە العىسىمىز شەكسىز. وعان كەڭەس بايعازى ۇلىنىڭ ارۋاعى دا ريزا.
ادەمى قارتايا ءبىلۋ دە – ونەر. كەڭەس بايعاز ۇلىادەمى قارتايىپ, باقىتتى ءومىر ءسۇردى. ءوزىنىڭ كۇندەلىكتى رەجىمىن بۇلجىتپاي ساقتاپ, 89 جاس 6 اي عۇمىر كەشتى. تاڭعى ساعات 6.00-دە دالاعا شىعىپ, تازا اۋادا ءجۇرىپ, دەنەشىنىقتىرۋ جاتتىعۋلارىن جاساۋ, ۋاقىتىندا تاماقتانۋ, اسىرەسە بايبىشەسى قاينيكامالدىڭ ىستىق شايى, ءدامدى تاماعى, كۇتىم-سىيلاستىعى ۇلكەن قۋات بەرگەنى حاق.
كەڭەس بايعازى ۇلى كورە الماي كەتكەن شوبەرە دە جارىق دۇنيەگە كەلدى. اتى-ءجونى – ەسەن ءالىم ۇلى بەرداليەۆ. وزىڭىزدەي الىپ بايتەرەكتىڭ بۇتاقتارىنداي جايقالىپ ءوسىپ كەلە جاتقان ۇرپاعىڭىز ءسىز سياقتى اسىل, ارداقتى ازاماتتار بولسىن. «اكە داڭقى – بالالارى مەن نەمەرە-شوبەرەلەرىنە ميراس, ەڭبەگى – مۇرا» دەيدىحالقىمىز.
اسقار تاۋداي اسقاق, اياۋلى اكە, مەيىرىمدى اتا, جاتقان جەرىڭىز جۇمساق, يمانىڭىز جولداس, مەكەنىڭىز جۇماق بولسىن!
ءسىزدى قۇرمەتپەن ەسكە الۋشى – جاستىق جانە وتباسىلىق دوسىڭىز يمانعالي اكيموۆتىڭ جۇبايى – بالداي ايتيشەۆا
«ومىرىمدە العان ەڭ باستى ناگرادام...»
اقساقال تاڭ الدىندا ءسال مىزعىپ كەتسە كەرەك. كوزىن اشتى دا, قابىرعا ساعاتىنا قاراپ ەدى, جەتىدەن ەندى كەتىپ بارادى ەكەن. وسى كۇندەرى ساعاتقا دا ءبىر ءتۇرلى سۋىق قاراي باستادى.
«ايتارىڭدى ايتىپ قال»دەگەندەي, تىقىلى دا السىرەي باستاعان سياقتى. ءالسىز داۋسىمەن «كاماش, قايداسىڭ؟» دەپ دىبىس بەردى, ۇيىقتاماي جۇرگەن بولۋ كەرەك, ۇندەمەي عانا جانىنا كەلىپ وتىرىپ, سۇراۋلى جۇزبەن اقساقالىنا قاراپ ەدى, ول كىسى قولىن ۇسىنىپ, ءسال جىميىپ: «ساعان ءبىر نارسە ايتايىن دەپ ەدىم», دەپ باستادى.
مەن بۇگىن ءبىر جاڭالىق اشقانداي بولىپ جاتىرمىن.
90 جىلدىق ءومىرىمدى ەلەكتەن وتكىزىپ, قورىتىندىلاپ جاتسام, بۇل تىرشىلىكتە جاماندى دا, جاقسىنى دا, بەلەستى دە, ويپاڭدى دا كورىپپىز...
اكە-شەشەدەن ەرتە ايىرىلىپ, شيرىعىپ ءجۇرىپ ەرتە ەسەيدىم. ناتيجەسىندە كوپ نارسەگە قول جەتكىزدىم. قىزمەت تە ءوستى, جەتىستىكتەردىڭ دە ءدامىن تاتتىم, ءتىپتى مەملەكەت باسشىسىنىڭ قولىنان «پاراسات»وردەنىن دە الدىم. الايدا, مەنىڭ ەڭ جوعارعى ناگرادام...
ەسىڭدە مە, جوعارى وقۋ ورنىمىزدى ءبىتىرىپ, قول ۇستاسىپ, ۇلكەن ومىرگە بەت الۋ ماقساتىندا سەنىڭ اتا-اناڭنىڭ باتاسىن الۋ ءۇشىن سوناۋ بوكە كەنتىنە بارعانىمىز. جاستىق جالىن, ورەكپىگەن جۇرەك, المايتىن قامال جوق دەگەن سەزىم بەيتانىس ولكەگە وڭاي-اق جەتكىزدى. ونىڭ ۇستىنە, وزىمنەن بۇرىن جەتكەن: «اعا, كاماش تۇرمىسقا شىعۋدى ۇيعارىپتى. جىگىتى وسى قازمۋ-ءدى ستاليندىك ستيپەنديامەن وقىپ ۇزدىك ءبىتىردى. ءوزى ارال جاقتىكى. اكەسى سوعىستان قايتپاپتى. العىر, پىسىق جىگىت! قارىنداسىمدى رەنجىتپەيدى دەپ ويلايمىن! ەكى جاسقا اق باتاڭىزدى بەرسەڭىز»دەگەن مازمۇنداعى, وسى كۇندەگى تەرمينمەن ايتساق, دۇيسەكەڭنەن العان ۇسىنىم حاتىم دا بار...
الايدا, ۇيگە كىرىپ, توردە وتىرعان كەڭ يىقتى, ۇزىن بويلى ەر ادامدى كورگەندە بوساعاداعى الاسا ورىندىققا قالاي وتىرا قالعانىمدى ءوزىم دە سەزبەي قالدىم. باعاناعى سەزىمدەردىڭ ءبارى ۇشتى-كۇيلى جوعالىپ كەتكەندەي... ماعان بەرگەن ءبىراز سۇراعىنا جاۋاپ العان سوڭ: «بالام, تورگە شىق. سەنىڭ ەندىگى ورنىڭ مىناۋ», دەپ جانىنداعى ورىندىقتى ۇسىندى. ءبىر قاراعاندا سۇستى بوپ كورىنگەن كوزدەرى اقىرىنداپ مەيىرىم نۇرىن شاشقانداي بولدى. بۇنداي قابىلداۋدى كۇتپەسەم كەرەك, جۇرەگىم ورەكپىپ, كوزىمە جاس تىعىلدى...
اكە-شەشەمىزدىڭ باتاسىن الىپ, الماتىعا اتتانىپ كەتتىك...
ەندى باجايلاپ وتىرسام, مەنىڭ ەڭ باستى ناگرادام – اتامنىڭ بەرگەن باتاسى مەن توردە جانىنان ۇسىنعان ورنى ەكەن! سونىڭ ارقاسىندا وتباسىن قۇردىم, ءتورت قارعامنىڭ اكەسى, نەمەرەلەرىمنىڭ اتاسى بولىپپىن. باعا جەتپەس بايلىق وسى ەكەن! وسى جولدا ادال سەرىك بولعان وزىڭە راقمەتىمدى ايتايىن دەپ شاقىردىم, بىرگە وتكىزگەن 65 جىل ىشىندە ارتىق-كەم كەتكەن جەرىم بولسا, كەشىر!», دەپ, كوزىنەن اققان ءبىر تامشى جاستى دا سۇرتپەي, قۋاتى كەتكەن ءالسىز ساۋساقتارىمەن بايبىشەسىنىڭ قولىن قىسا بەردى...
ارحاش قابديەۆ,
تامارا نۇرعاليەۆا
پىكىرلەر, ىزگى تىلەكتەر
اكادەميك ساگاديەۆ ك.ءا.
... ءسىز وتە زور, شىنايى پاراسات يەسىسىز. ءسىزدىڭ ادامگەرشىلىگىڭىز, پاك تازالىعىڭىز, ادامعا دەگەن جىلى جۇرەگىڭىز سىزبەن ارالاسقان ازاماتتارعا ەرەكشە اسەر قالدىرادى. ەلۋ جىل ىشىندە ۇستاز رەتىندە دە, باسشى رەتىندە دە قورشاعان ورتاڭىزدىڭ زور قۇرمەتىنە يە بولىپ, ارتىڭىزدان جامان ءسوز ەرمەگەن ءسىزدى ناعىز پاراسات يەسى دەمەگەندە كىم دەيمىز...
ن.ق.مامىروۆ, اكادەميك
... ءسىزدىڭ عىلىمي شىعارماشىلىعىڭىزدىڭ ناتيجەلەرىنە كوز جىبەرسە, ءسىزدىڭ عىلىمي قىزىعۋشىلىعىڭىزدىڭ جان-جاقتىلىعى, زەرتتەۋلەردىڭ ىرگەلىلىگى, نەعۇرلىم كەڭ قويىلعان ماسەلەلەردى شەشۋگە جانە شەشىمدەردىڭ كريتەري دارەجەسىنە دەيىن جەتكىزۋگە دەگەن ۇمتىلىس سياقتى سيپاتتى بەلگىلەردى بايقاۋعا بولادى. جوسپارلاۋ, باسقارۋ جانە ەكونوميكالىق تەوريا سالاسىنداعى ىرگەلى زەرتتەۋلەرىڭىز ەكونوميكا عىلىمىنىڭ دامۋىنا سۇبەلى ۇلەس بولىپ قوسىلادى. ولار ءسىزدىڭ «سوتسياليستىك ءوندىرىستى باسقارۋ نەگىزدەرى», «قازاقستان ەكونوميكاسىن باسقارۋ نەگىزدەرى», «مەنەدجمەنتتىڭ تەورياسى مەن پراكتيكاسى», «باسقارۋ نەگىزدەرى» سياقتى ەڭبەكتەرىڭىزدە كورىنىس تاپتى.
ك.ا.بيسەنوۆ, رەكتور, اكادەميك
... ءوزىڭىزدىڭ كىندىك قانىڭىز تامعان تۋعان جەرىڭىز كيەلى سىر بويىنداعى ءىزباسارلارىڭىز ءسىزدى ارداقتى ازامات, ۇلاعاتتى ۇستاز, قازاقستان عىلىمىندا وزىندىك ورنى بار عالىم رەتىندە ۇلكەن ءىلتيپاتتى سەزىممەن ماقتان تۇتادى.
العاشقى ىرگەتاسى قالانعان 1960 جىلداردان بەرى ءسىز ەلىمىزدەگى ءبىرىنشى ەكونوميكالىق جوعارى وقۋ ورنىنىڭ نەگىزىن سالۋشىلاردىڭ ءبىرى بولىپ, كىرىق جىلدان بەرى سول وقۋ ورنىندا بىلىكتى مامان كادرلار دايارلاۋدا ايانباي ەڭبەك ەتىپ كەلەسىز...
پروفەسسور وقاەۆ ك.و.
كەڭەس بەردالى ۇلى بىزگە جانە زامانداستارىنا كوپتەگەن تابىلماس قاسيەتتەرىمەن: بىرىنشىدەن - تۇراقتىلىعىمەن, ەكىنشىدەن - ۇلاعاتتى ۇستازدىعىمەن, ۇشىنشىدەن - بايسالدى ازاماتتىق كوزقاراسىمەن قاستەرلى. نىعىزداي ايتۋ, ءاربىر عىلىمي ناتيجەلەرىن ناقتى دەرەكتەرمەن دالەلدەۋ عالىمنىڭ تەك جەكە باسىنا ءتان قاعيدا ەمەس, ول وسى تالاپتى ءوزىنىڭ شاكىرتتەرىنىڭ بويىنا سىڭىرۋدە...
ءا.ءا. ابىشەۆ قازەۋ-ءدىڭ رەكتورى, پروفەسسور
... وسى ابىرويلى مەرەيتويعا شىن تىلەكتەستىگىمىزدى بىلدىرە وتىرىپ, ويىمىزدى مىنا ءبىر جىر جولدارىمەن اياقتاعامىز كەلىپ وتىر.
ومىرىڭىزدە جاقسىلىقتار بولا بەرسىن,
شاڭىراعىڭىز قۋانىشقا تولا بەرسىن.
ءاردايىم تىلەگىڭىز قابىل بولىپ,
باسىڭىزعا باق-بەرەكە قونا بەرسىن.
باقىت, شاتتىق ۇزىلمەي وتباسىنان,
ەڭبەگىڭىز يگى بوپ, جانا بەرسىن!
پروفەسسور, يحدانوۆ ج.و.
...باقىتتىمىن, ۇيرەتۋشىم سەن بولساڭ,
اجارلىمىن, ەرتەڭ ساعان تەڭ بولسام!
ايتشى, دوستىم, ومىردە دە, بىلىمدە
كىم كىنالى قاتارىڭنان كەم بولساڭ؟