ىشكى ىستەر مينيسترلىگى ەلىمىزدە الاياقتىقتىڭ جاڭا ءتۇرى بەلەڭ الىپ كەلە جاتقانىن ەسكەرتتى. قاسكۇنەمدەر بۇل جولى وزدەرىن كومپانيا, مەملەكەتتىك ورگاندار جانە جوعارى وقۋ ورىندارىنىڭ باسشىلارى رەتىندە تانىستىرىپ, دەرەكتەردىڭ تارالۋى نەمەسە قارجىنىڭ ۇرلانۋ قاۋپىن سىلتاۋراتىپ, جاعدايدى ادەيى كۇردەلەندىرىپ كورسەتەدى, دەپ جازادى Egemen.kz.
ولار جوعارىدا اتالعان ماسەلەلەردى العا تارتىپ, ازاماتتان جەدەل ارەكەت ەتۋدى تالاپ ەتىپ, پسيحولوگيالىق قىسىم جاسايدى.
ۇرلىق, بوپسالاۋ, الاياقتىق: قاراعاندى وبلىسىندا قىلمىستىق توپ ۇستالدى
«وسىدان كەيىن ازاماتتارعا «ماماندار» نەمەسە «قۇقىق قورعاۋ ورگاندارىنىڭ قىزمەتكەرلەرى» حابارلاساتىنى ايتىلىپ, ولاردىڭ نۇسقاۋلارىن بۇلجىتپاي ورىنداۋ تالاپ ەتىلەدى. سالدارىنان الاياقتار ادامداردىڭ اقشاسىن الىپ, ونى «قاۋىپسىز شوتتارعا» اۋدارۋعا كوندىرەدى. قاراجات قولعا تۇسكەن سوڭ, بايلانىس بىردەن ۇزىلەدى», دەلىنگەن ءىىم تاراتقان حابارلامادا.
باسپاناعا قاتىستى جاڭا الاياقتىق سحەما: ءىىم قازاقستاندىقتارعا ەسكەرتۋ جاسادى
ايتا كەتەيىك, قاسكۇنەمدەر زاماناۋي تەحنولوگيالاردى كەڭىنەن قولدانادى. سونىڭ ىشىندە ءنومىردى اۋىستىرۋ, داۋىستى وزگەرتۋ سياقتى تاسىلدەرمەن ازاماتتاردىڭ سەنىمىنە كىرىپ, قىراعىلىعىن كورسەتۋگە تىرىسادى.
ال ىىم بانكتەر مەن مەملەكەتتىك ورگانداردىڭ قىزمەتكەرلەرى ەشقاشان تەلەفون ارقىلى اقشا اۋدارۋدى تالاپ ەتپەيتىنىن ەسكەرتىپ وتىر.
چەكتى كاسسادا قالدىرماڭىز: مەملەكەتتىك كىرىستەر كوميتەتى الاياقتىقتىڭ جاڭا ءتۇرى تۋرالى ەسكەرتتى