ارالاس جەكپە-جەك شەبەرى, قازاقستاندىق جالعاس جۇماعۇلوۆ (14-9) UFC فايتەرلەرى تىزىمىنەن شىعارىلدى, دەپ حابارلايدى Egemen.kz Sports.kz پورتالىنا سىلتەمە جاساپ.
بۇل تۋرالى ليگانىڭ روستەرىندەگى وزگەرىستەر تۋرالى جاريالايتىن UFC Roster Watch Twitter-اككاۋنتىندا حابارلاندى.
ايتا كەتەيىك, جالعاس جۇماعۇلوۆ 24 ماۋسىمدا وتكەن سوڭعى جەكپە-جەگىندە UFC دەبيۋتانتى امەريكالىق دجوشۋا ۆاننان جەڭىلىپ قالعان.
بۇل «جاكونىڭ» قاتارىنان ءتورتىنشى جانە UFC-دە التىنشى جەڭىلىسى بولدى. سونىمەن قاتار جۇماعۇلوۆ تورەشىلەردىڭ بولەك شەشىمىمەن ءۇشىنشى رەت قاتارىنان جەڭىلدى.