توتەنشە جاعدايلار مينيسترلىگى اباي وبلىسى بورودۋليحا اۋدانى اۋماعىنداعى «سەمەي ورمانى» رەزەرۆاتىنداعى ورمان ءورتى تولىعىمەن سوندىرىلگەنىن مالىمدەدى, دەپ حابارلايدى Egemen.kz.
ۆەدومستۆو وكىلدەرى ءورت وقشاۋلانىپ, تجم كۇشتەرى مەن قۇرالدارى تۇراقتى جۇمىس ورىندارىنا كەتكەن ساتتەن باستاپ وقيعا ورنىندا قايتا ورتەنۋ مۇمكىندىگىن بولدىرماۋ ماقساتىندا ەكولوگيا جانە تابيعي رەسۋرستار مينيسترلىگىنىڭ ورمان ءورت ستانتسيالارى كەزەكشىلىك (قاراۋىلداۋ) ۇيىمداستىرعانىن اتاپ ءوتتى. ءورتتىڭ تۇتاس پەريمەترى بويىنشا پاترۋلدەۋ جۇرگىزىلگەن.
ء«ورت كولەمى ودان ءارى ۇلعايماي, تارالۋى توقتاعاننان كەيىن عانا ونىڭ وقشاۋلانۋى حابارلاناتىنىن اتاپ وتكەن ءجون. بۇل رەتتە ءورتتىڭ قايتا تۇتانۋىنا جول بەرمەۋ ءۇشىن شارالار قابىلدانىپ, ونىڭ جانۋى توقتاعان كەزدە ءورت ءسوندىرىلدى دەپ ەسەپتەلەدى», دەدى تجم وكىلدەرى.ەسكە سالا كەتسەك, اباي وبلىسىنداعى ءورت 8 ماۋسىمدا تۇتانعان ەدى. ءورت سالدارىنان «سەمەي ورمانى» رەسپۋبليكالىق مك 14 قىزمەتكەرى مەن تراكتورشى كوز جۇمدى. ءورتتى سوندىرۋگە قازاقستاننىڭ باسقا وڭىرلەرىنەن 1500-دەن استام ادام مەن تەحنيكا جۇمىلدىرىلدى.
11 ماۋسىمدا پرەزيدەنت قاسىم-جومارت توقاەۆ جۇمىس ساپارىمەن اباي وبلىسىنا بارىپ, قىزىل جالىن سالدارىنان قازا تاپقان ازاماتتاردىڭ جاقىندارىمەن كەزدەستى.
ال 12 ماۋسىمدا جالپىۇلتتىق ازا تۇتۋ كۇنى جاريالانىپ, بارشا قازاقستاندىق قايتىس بولعان جانداردى ەسكە الدى.