كەلەسى جىلى وزبەكستاننىڭ باس شاھارى – تاشكەنتتە جالاۋى جەلبىرەيتىن فۋتزالدان الەم چەمپيوناتىنا جولداما بەرەتىن ەليتالىق ىرىكتەۋ كەزەڭىنىڭ ويىندار كەستەسى جاريالاندى.
وسىدان ەكى جىل بۇرىنعى الەم بىرىنشىلىگىندە ءتورتىنشى ورىنعا يە بولعان قازاقستان قۇراماسى ەليتالى كەزەڭدە نيدەرلاند, رۋمىنيا جانە ازەربايجان فۋتزالشىلارىمەن ءبىر توپتا وينايدى. ءبىزدىڭ كوماندا ءۇشىن ەليتالىق راۋند قىركۇيەك ايىندا سىرت الاڭداعى نيدەرلاند قۇراماسىمەن وتەتىن ماتچپەن باستالادى. ىرىكتەۋ كەزەڭىنىڭ سوڭعى ويىنى دا سىرت الاڭدا جەلتوقسان ايىندا رۋمىنيادا وتەدى.
سونىمەن قاتار جەرلەستەرىمىز 20 قىركۇيەكتە ءوز ەلىمىزدە رۋمىنيانى قابىلداسا, 6 قازاندا ازەربايجانعا قوناققا بارادى. ال 11 قازاندا ەلوردادا ازەربايجان, 14 جەلتوقساندا نيدەرلاند فۋتزالشىلارىمەن شەبەرلىك بايقاسادى. توپ جەڭىمپازى الەم چەمپيوناتىنىڭ فينالدىق كەزەڭىنە تىكەلەي جولداما الادى. ەكىنشى ورىن العان كوماندالار 2024 جىلدىڭ ساۋىرىندە وتەتىن وتپەلى ويىندارعا قاتىسادى.