بيۋدجەت قاراجاتىن يگەرمەگەن مينيسترلىكتەر اتالدى

مەملەكەتتىك بيۋدجەتتىڭ شىعىستارى 99,3 پايىزعا, رەسپۋبليكالىق بيۋدجەتتىڭ شىعىستارى – 99,4 پايىزعا, جەرگىلىكتى بيۋدجەتتەردىڭ شىعىستارى 99,5 پايىزعا اتقارىلدى. رەسپۋبليكالىق بيۋدجەت بويىنشا سوماسى 11 ترلن تەڭگەگە شىعىستار جۇرگىزىلدى.

«اتقارىلماعان قارجى 62 ملرد تەڭگە بولدى, ونىڭ ىشىندە 13 ملرد تەڭگە - ۇنەمدەۋ. يگەرىلمەگەنى - 49 ملرد تەڭگە. يگەرىلمەۋدىڭ نەعۇرلىم ءىرى سومالارى توتەنشە جاعدايلار, ەكولوگيا جانە تابيعي رەسۋرستار, مادەنيەت جانە سپورت, سىرتقى iستەر مينيسترلىكتەرىندە قالىپتاستى», دەدى قارجى ءمينيسترى.

يگەرىلمەۋدىڭ نەگىزگى سەبەپتەرى: كونكۋرستىق راسىمدەردى ۇزاق وتكىزۋ; شوت-فاكتۋرالار, اتقارىلعان جۇمىس اكتىلەرىنىڭ ۋاقىتىلى وتكىزىلمەۋى; ەسەپتى ايدا قاراجاتتى جۇمساۋ قاجەتتىلىگىنىڭ بولماۋى.

ال جەرگىلىكتى بيۋدجەتتەردىڭ شىعىسى 5,8 ترلن تەڭگە بولدى. اتقارىلماعانى - 28 ملرد تەڭگە. بيىل وڭىرلەرگە 2 ترلن تەڭگەگە جۋىق نىسانالى ترانسفەرتتەر كوزدەلگەن. ولارعا 1 شىلدەگە 755 ملرد تەڭگە بولىنگەن ونىڭ 99,0%-ءى يگەرىلگەن.

«يگەرىلمەگەنى – 8 ملرد تەڭگە. ەڭ كوپ يگەرىلمەۋ: اقتوبە, قاراعاندى, اقمولا جانە اتىراۋ وبلىستارىندا قالىپتاستى», دەدى ەرۇلان جاماۋباەۆ.