دوللاردىڭ تەڭگەگە شاققانداعى باعامى تاعى قۇلدىرادى, دەپ حابارلايدى Egemen.kz قازاقستان قور بيرجاسىنىڭ (KASE) مالىمەتتەرىنە سىلتەمە جاساپ.
كۇندىزگى ساۋدانىڭ ناتيجەسىندە دوللاردىڭ ورتاشا سارالانعان باعامى 3,48 تەڭگەگە تومەندەپ, 441,11 تەڭگەنى قۇرادى. ايتا كەتەيىك, ۇلتتىق بانكتىڭ 11 شىلدەدەگى ءبىر دوللارعا ارنالعان رەسمي باعامى 444,89 تەڭگەنى قۇرايدى.
Kurs.kz حابارلاعانداي, ءدال قازىر استانانىڭ اقشا ايىرباستاۋ ورىندارىندا امەريكالىق ۆاليۋتا ورتا ەسەپپەن 442,41 تەڭگەدەن ساتىپ الىنىپ, 446,50 تەڭگەدەن ساتىلىپ جاتىر. الماتىنىڭ ايىرباستاۋ ورىندارىندا دوللاردى ورتاشا ساتىپ الۋ – 444,43 تەڭگە, ساتۋ – 447,03 تەڭگە.