ءتورتىنشى كەزەڭنەن اسا المادى

جەرلەسىمىز لوندوندا ءوتىپ جاتقان تەن­نيستەن «ۇلكەن دۋلىعا» ساناتىنداعى ءتۋر­نيردىڭ ءتورتىنشى اينالىمىندا الەمنىڭ 7-راكەتكاسى رەسەيلىك اندرەي رۋبلەۆپەن شەبەرلىك بايقاستى. ورتالىق كورتتا وتكەن كەزدەسۋدىڭ العاشقى ەكى پارتياسى بۋبليك ءۇشىن ءساتسىز باستالدى. ا.رۋبلەۆ ەكى سەتتە دە ءبىر-ءبىر برەيك-پوينت جاساپ, 7:5 جانە 6:3 ەسەبىمەن جەڭىسكە جەتتى. ال كەيىنگى ەكى پارتيادا ا.بۋبليك قارقىنىن ارتتى­رىپ, تارازى باسىن تەڭەستىرىپ كەتتى. وتان­داسىمىز قارسىلاسى سياقتى برەيك-پوينت جاساي الماسا دا, تاي-برەيكتە ءساتتى وينادى. اتاپ ايتقاندا, ءۇشىنشى سەتتە ەسەپ 6:6 بولىپ تۇرعاندا تاي-برەيكتە 8:6 ەسەبىمەن مىقتىلىق تانىتسا, ءتورتىنشى سەتتە 7:5 (7:6) ناتيجەسىمەن باسىم بولدى.

وكىنىشكە قاراي, ا.بۋبليك بەسىنشى پارتيانىڭ جەتىنشى گەيمىندە اندرەي رۋبلەۆكە تاعى ءبىر برەيك جاساۋىنا مۇمكىندىك بەرىپ, ۋىسىندا تۇرعان جەڭىسىنەن ايىرىلىپ قالدى – 6:4. وسىلايشا, الەكساندر بۋبليك سپورتتىق جولىندا العاش رەت «ۇلكەن دۋلىعا» جارىسىنىڭ ءتورتىنشى اينالىمىنا دەيىن جەتتى. بۋبليك پەن رۋبلەۆ وسىعان دەيىن ءبىر-بىرىمەن بەس رەت كەزدەسىپ, سونىڭ ەكەۋىندە جەرلەسىمىزدىڭ مەرەيى ۇستەم بولعان ەدى.