بۇگىن شىمكەنت قالاسىندا نىسانا كوزدەۋدەن قازاقستان رەسپۋبليكاسىنىڭ VI جازعى سپارتاكياداسى اياقتالدى. بۇل تۋرالى مادەنيەت جانە سپورت مينيسترلىگىنە قاراستى سپورتتى دامىتۋ ديرەكتسياسىنىڭ ءباسپاسوز قىزمەتى حابارلادى, دەپ جازادى Egemen.kz.
ءبىر اپتاعا سوزىلعان بايراقتى باسەكەدە 27 باعدارلامادا جۇلدە ساراپقا سالىندى. ونىڭ 12-ءسى جەكەلەي, 12-ءسى كوماندالىق سايىستا, قالعان 3 مەدال جيىنتىعى ارالاس جۇپتار اراسىندا ءوز يەسىن تاپتى. بارلىعى شىمكەنتتەگى باسەكەگە 9 وڭىردەن 138 سپورتشى جينالدى.
بۇگىنگى 2 جۇلدە جالپى ەسەپتەگى جەڭىمپازدى انىقتاپ بەردى. جىلجىمالى نىسانا كوزدەۋ مەن 10 مەتردەن پنەۆماتيكالىق تاپانشامەن ارالاس جۇپتىق سىندا الماتى قالاسى چەمپيون اتانىپ, جالپى ەسەپتە 1-ورىن الدى. ولاردىڭ ەنشىسىندە 13 التىن, 16 كۇمىس پەن 5 قولا مەدال بار. ال شىمكەنت قالاسى (13 التىن, 6 كۇمىس, 8 قولا) 2-ءشى بولسا, ۇزدىك ۇشتىكتى جامبىل وبلىسى 1 التىن, 4 قولامەن تۇيىندەدى.
«وسى سپارتاكيادا بارىسىنداعى ەڭ قيىن فينال بۇگىن بولدى. ىرىكتەۋدە 586 ۇپاي جينادىم. بۇل مەنىڭ ۇزدىك كورسەتكىشىم دەي المايمىن. بۇدان كوپ بالل جيناعان كەزدەر بار. فينال مەن ءۇشىن ءساتسىز باستالدى. بىراق ورتاسىنا قاراي بار شەبەرلىگىمدى كورسەتە باستادىم. قارسىلاستارىمنىڭ الدىن وراپ جەڭىسكە جەتكەنىمە قۋانىشتىمىن. وسى ءسات ءۇشىن ءبىز ۇزاق دايىندالامىز. ەندى شەتەلدەگى جارىستاردان جۇلدەلى ورالۋعا بارىمدى سالامىن», دەدى ۇلتتىق قۇراما سپورتشىسى يسلام ساتپاەۆ.
وسىمەن وليمپيادا باعدارلاماسىنا كىرەتىن 25 سپورت تۇرىنەن VI جازعى سپارتاكيادا مارەسىنە جەتتى. نىسانا كوزدەۋدەن سوڭ 20 ءوڭىردىڭ ىشىندە جالپى ەسەپتە اناۋ ايتقانداي وزگەرىس بولعان جوق. قازىر الماتى قالاسى كوش باستاپ كەلە جاتىر. ال ودان كەيىنگى ساتىدا شىمكەنت قالاسى تۇرسا, قاراعاندى وبلىسى 3-ساتىنى استانا قالاسىنا بەرمەي, وزىندە ساقتاپ قالدى.
«بۇل جارىستا بار مۇمكىندىگىمنىڭ 60 پايىزىن كورسەتتىم دەپ ويلايمىن. ناتيجەمە كوڭىلىم تولادى. بۇگىن 5-ءشى جۇلدەمدى جەڭىپ الدىم. كەلەسى جارىسقا دەيىن دايىندالۋعا كوپ ۋاقىت جوق. الدا جاستار اراسىنداعى الەم چەمپيوناتى كەلە جاتىر. سوسىن, ازيا ويىندارىندا جاقسى ناتيجە كورسەتۋىمىز كەرەك», دەدى الماتى قالاسىنىڭ سپورتشىسى الەكساندرا سادۋاكاسوۆا.
ەسكە سالا كەتسەك, 4 جىل بۇرىن نىسانا كوزدەۋدەن V جازعى سپارتاكيادا وسى شىمكەنت قالاسىندا ءوتىپ, جارىس قوجايىندارى توپ جارعان. ال جالپى ەسەپتە 2-ورىندى الماتى قالاسى العان.