كەشە وتىرىپ وينايتىن ۆولەيبولدان ازيا چەمپيوناتىنىڭ جارتىلاي فينالىندا قازاقستان قۇراماسى قىتاي كومانداسىن 3:2 ەسەبىمەن جەڭىپ, كەلەسى جىلى پاريجدە وتەتىن پاراليمپيادا ويىندارىنا جولداما الدى. بۇل تۋرالى مادەنيەت جانە سپورت ءمينيسترى اسحات ورالوۆ Telegram كانالىندا جازدى, دەپ حابارلايدى Egemen.kz.
قۇرلىق بىرىنشىلىگىنىڭ فينالدىق ويىنى 8 شىلدە كۇنى ساعات 16.30-دا وتەدى. قازاقستان قۇراماسى يراننان كەلگەن ۆولەيبولشىلارعا قارسى التىن مەدال مەن ازيا چەمپيونى اتاعى ءۇشىن ونەر كورسەتەدى. كەزدەسۋ جاقسىلىق ۇشكەمپىروۆ اتىنداعى جەكپە-جەك سارايىندا وتەدى.- ەستەرىڭىزگە سالا كەتەيىن, سوڭعى رەت پاراۆولەيبولدان قازاقستان قۇراماسى 1996 جىلى پاراليمپيادا ويىندارىندا ونەر كورسەتكەن بولاتىن. پاريجدە وتەتىن ويىندارعا جولدامانى ازيا قۇرلىعىنىڭ 7 ۇزدىك ەرلەر كومانداسى ساراپقا سالدى, - دەپ جازدى مينيستر Telegram كانالىندا.