مەملەكەت باسشىسى قاسىم-جومارت توقاەۆ استانا الەمگە بىرلىك پەن بەرەكەنىڭ بەسىگى رەتىندە تانىلعانىن اتاپ ءوتتى. بۇل تۋرالى پرەزيدەنت استانانىڭ 25 جىلدىق مەرەيتويىنا ارنالعان باۋىرلاس قالالار فورۋمىندا ايتتى, دەپ حابارلايدى Egemen.kz.
«استانا – ءدىننىڭ باسىن قوسقان, ءدىنباسىلاردىڭ ءداستۇرىن توعىستىرعان شاھار. بۇدان بولەك, ەلوردا تورىندە تالاي مارتە ءدۇبىرلى دودالار مەن حالىقارالىق سايىستار ءوتتى. ءبىر سوزبەن ايتقاندا, استانانى بىرلىك پەن بەرەكەنىڭ بەسىگى دەۋگە تولىق نەگىز بار», دەدى ەل پرەزيدەنتى.
وسى تۇستا مەملەكەت باسشىسى ەلوردادا ەڭ ماڭىزدى شەشىمدەر قابىلدانىپ جاتقانىن ەسكە سالدى.
«قازىر استانادا الماتى, اقمەشىت, ورىنبور, تۇركىستان, ساۋران, سىعاناق, سارايشىق كوشەلەرى بار. بۇل – ەلدىك پەن مەملەكەتتىلىك تاريحىنىڭ ناقتى كورىنىسى. استانا – ەلىمىزدىڭ جۇرەگى. بۇل قالادا ەڭ ماڭىزدى شەشىمدەر قابىلدانىپ جاتىر. كەلەشەكتە دە لايىم سولاي بولماق», دەدى قاسىم-جومارت كەمەل ۇلى.