ەلوردالىقتار استانا كۇنىن قالاي تويلاپ جاتىر؟

ءىس-شارالاردىڭ باسىم بولىگى قالا تۇرعىندارى مەن قوناقتارى ءۇشىن اشىق ءارى كىرۋ تەگىن.

5-6 شىلدەدە ساعات 10.00-دەن 15.00-گە دەيىن «گۇل شاھارى – استانا» رەسپۋبليكالىق سۋرەتشىلەر پلانەرىن وتكىزۋ جوسپارلانىپ وتىر. ونلاين كونكۋرسقا 80 جۇمىس جىبەرىلدى. ەكسپو الاڭىندا ۇزدىك 15 جۇمىس بويىنشا كورمە اشىلادى. كىرۋ تەگىن.

5-6 شىلدە كۇندەرى ساعات 10.00-دەن 18.00-گە دەيىن ەكسپو الاڭىندا بالالار مەن ەرەسەكتەرگە ارنالعان «گۇل استانا» ەكو-فەستيۆالى ۇيىمداستىرىلادى. كىرۋ تەگىن.

سول سياقتى 6 شىلدە كۇنى ساعات 10.00-دەن 18.00-گە دەيىن «الجير» مۇراجاي-مەموريالدىق كەشەنىندە «ەل جۇرەگى – استانا» كورمەسىن وتكىزۋ جوسپارلانىپ وتىر.

6 شىلدەدە ەلوردانىڭ ەلدى مەكەندەرىندە قالا تۇرعىندارى مەن قوناقتارىنا ارنالعان «دۋماندى استانا» كونتسەرتى وتەدى. ناقتىراق توقتالار بولساق:

بايقوڭىر اۋدانى:

• كيرپيچنىي – ساعات: 12.00-13.30;

• سمپ – ساعات: 14.00-15.30;

• ءوندىرىس ەلدى مەكەنى, اقبيداي كوشەسى, 6. ساعات: 16.00-17.30;

سارىارقا اۋدانى:

• «كوكتال» پاركى, ساعات: 11.00-12.40;

• قالالىق الاڭ, ساعات: 15.00-20.00;

نۇرا اۋدانى:

• سىعاناق كوشەسى, 1, ساعات: 14.00-15.40;

ەسىل اۋدانى:

• پريگورودنىي, ساعات 12.00-15.00;

الماتى اۋدانى:

• پرومىشلەننىي, شالكودە كوشەسى, 1. ساعات: 15.00-16.30;

• ينتەرناتسيونالنىي, مەكەرە كوشەسى, 2/1. ساعات: 15.00-16.30. كىرۋ تەگىن.

بۇدان بولەك 6 شىلدە كۇنى ەكسپو الاڭىندا Open اir اشىق اسپان استىنداعى مەرەكەلىك كونتسەرت وتەدى. ءىس-شارادا مارجان اراپباەۆا, اۋكا, دوس, Akha, ميراس جۇگىنىسوۆ, قازبەك قۇرايىش, ەركەش حاسەن, Qanay, Raim سەكىلدى وتاندىق ەسترادا جۇلدىزدارى ونەر كورسەتەدى. سونىمەن قاتار تىڭدارمان قاۋىم ءۇشىن قۇپيا جۇلدىز توسىنسىي بولماق. باستالۋى ساعات 18.00-دە. كىرۋ تەگىن.

6 شىلدە كۇنى ساعات 18.00-دە مۋزىكالىق جاس كورەرمەن تەاترىندا «ماحاببات بار ما؟» ليريكالىق كومەدياسى قويىلادى.

6 شىلدە كۇنى ساعات 19.00-دە قازاق ەلى الاڭىندا «جايناي بەر, استانا» گالا-كونتسەرتى وتەدى. ال ساعات 19.00-دە ءا.مامبەتوۆ اتىنداعى مەملەكەتتىك دراما جانە كومەديا تەاترىندا «بولماعان بالالىق شاق» دراماسىن ۇسىنىلادى. بيلەتتەر تيكەتون ۆەب-سايتىندا قولجەتىمدى بولماق.

وسى كۇنى ساعات 19.00-دە ق.قۋانىشباەۆ اتىنداعى قازاق مۋزىكالىق دراما تەاترىندا تانىمال «گاۋھارتاس» مۋزىكالىق دراماسى وتەدى.

ال ساعات 19.30-دان 22.30-عا دەيىن ەلوردالىق ساياباقتىڭ امفيتەاترىندا «استانا – مادەنيەت كەرۋەنى» اسكەري وركەستر بويىنشا حالىقارالىق اسكەري-مۋزىكالىق فەستيۆال وتەدى.

6-8 شىلدە كۇندەرى ارالىعىندا ورتالىق ساياباقتا Mereke Street وتباسىلىق دەمالىس فەستيۆالى وتەدى. ۋاقىتى 10:00-دەن 22:00-گە دەيىن. كىرۋ تەگىن.

ال 6-9 شىلدە كۇندەرى ەلوردالىق تسيركتە «FRANKE SHOW» جۇلدىزدى تسيرك باعدارلاماسى وتەدى. باستالۋى: 16:00-دە. بيلەتتەر تيكەتون سايتىندا قولجەتىمدى.

سونىمەن قاتار 7 شىلدەدە «KITAP FEST» رەسپۋبليكالىق كىتاپ كورمەسى وتەدى. ۋاقىتى 11:00-دەن 19:00-گە دەيىن. كىرۋ تەگىن.

وسى كۇنى ەلوردالىق فيلارمونيادا «شانشار, الداراسپان, شىمكەنت شوۋ» كونتسەرتى وتەدى.

ال ساعات 19.00-دە مۋزىكالىق جاس كورەرمەن تەاترىندا «ۆوسەم ليۋبياششيح جەنششين» دەتەكتيۆتىك تراگيكومەدياسى وتەدى.

7-8 شىلدە كۇندەرى ساعات 17.00-دە امفيتەاتردا «JAZZ FEST» مۋزىكالىق دجاز فەستيۆالى وتەدى.

8-9 شىلدە ارالىعىندا ورتالىق ساياباقتا, امفيتەاتر اۋماعىندا كوشە تاعامدارى فەستيۆالى وتەدى. باستالۋى 12:00-دەن 20:00-گە دەيىن. كىرۋ تەگىن.

8-9 شىلدەدە ساعات 19.00-دە مۋزىكالىق جاس كورەرمەن تەاترى «قىز جىبەك» ەتنو-فولكلورلىق ميۋزيكلىنىڭ پرەمەراسىن ۇسىنادى.

8-9 شىلدەدە ساعات 18.00-دە «جاستار» تەاترىندا «قاناتتىلار» ينكليۋزيۆتى تەاترىندا «كۇلە الاسىز با؟» قويىلىمىن ۇسىنادى.

سول سياقتى 6-9 شىلدە ارالىعىندا بۇلدىرشىندەر ءۇشىن قۋىرشاقتار تەاترى مەرەكەلىك باعدارلاما ازىرلەپ وتىر.