«قازگيدرومەت» سينوپتيكتەرى 6-8 شىلدەگە ارنالعان اۋا رايى بولجامىن جاريالادى, دەپ حابارلايدى Egemen.kz.
الداعى مەرەكە كۇندەرى رەسپۋبليكا اۋماعىنىڭ باسىم بولىگىندە اۋا رايى تۇراقسىز بولادى. جاڭبىر جاۋىپ, نايزاعاي وينايدى, ەكپىندى جەل كۇتىلەدى. 6-7 شىلدەدە ورتالىقتا, وڭتۇستىك-شىعىستا قاتتى جاڭبىر جاۋادى. 6-8 شىلدەدە قازاقستاننىڭ سولتۇستىگىندە, شىعىسىندا, كۇندىز بۇرشاق جاۋى مۇمكىن. ەلىمىزدىڭ باتىسىندا عانا جاۋىن-شاشىنسىز اۋا رايى كۇتىلەدى.
«باتىستا, وڭتۇستىكتە كۇندىزگى تەمپەراتۋرا بىرتىندەپ جوعارىلايدى. اۋا تەمپەراتۋراسى +33+42°س دەيىن جەتەدى. ال ەلىمىزدىڭ قالعان بولىگىندە اۋا تەمپەراتۋراسى سولتۇستىك-باتىستا جانە ورتالىقتا +22+ 35°س دەيىن, سولتۇستىكتە +23+30°س دەيىن, شىعىستا جانە وڭتۇستىك-شىعىستا +20+30°س دەيىن بولادى», دەلىنگەن حابارلامادا.