مەملەكەت باسشىسى شانحاي ىنتىماقتاستىق ۇيىمىنىڭ حالىقارالىق بەدەلى جوعارى ەكەنىن نازارعا الىپ, بۇگىندە تابىستى ءارى كوپجاقتى ۇيىمعا اينالعانىن ەرەكشە اتاپ ءوتتى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
جيىن بارىسىندا پرەزيدەنت الەمدىك ءىجو-ءنىڭ تورتتەن ءبىرى, دۇنيەجۇزىلىك ساۋدانىڭ 15 پايىزى شىۇ مەملەكەتتەرىنىڭ ۇلەسىنە تيەسىلى ەكەنىن ەسكە سالدى.
«ساياسي ىقپالى زور, ەكونوميكالىق مۇمكىندىگى مول جانە وراسان زور ادام رەسۋرسىنا يە شىۇ ورنىقتى دامۋ ماقساتتارىنا قول جەتكىزۋگە جانە ادامزاتتىڭ زاماناۋي سىن-قاتەرلەرىن ەڭسەرۋگە ەلەۋلى قوسا الاتىنىنا سەنىمدىمىن.جاھاندىق ءتارتىپتى تۇبەگەيلى ترانسفورماتسيالاۋ جاعدايىندا بۇرىن-سوڭدى بولماعان گەوساياسي شيەلەنىستىڭ, ساۋدا جانە سانكتسيالىق سوعىستاردىڭ, سونداي-اق باسقا دا زاماناۋي سىن-قاتەرلەردىڭ كۇشەيە تۇسكەنىنە كۋا بولىپ وتىرمىز.حالىقارالىق قۇقىق نەگىزدەرى مەن ونىڭ ماڭىزدى قاعيداتىنىڭ, ياعني تەڭدەي, بىرلەسكەن, بولىنبەيتىن, كەشەندى جانە تۇراقتى قاۋىپسىزدىكتىڭ بۇزىلۋى قالىپتى جاعدايعا اينالدى», دەدى مەملەكەت باسشىسى.