«ايالاعان استانانىڭ» تارتۋى

«ايالاعان استانا» شىعارماشى­لىق بايقاۋى دارىندى بالالاردىڭ ءبىر شوعىرىن قالىپتاستىرىپ ۇلگەر­دى. ويتكەنى جاس جەتكىنشەكتەر باي­قاۋدا ساحنا ونەرىنىڭ ناعىز ماي­تال­ماندارىنان ءتالىم الىپ, قاي باعىتتا ءان شىرقاۋعا الەۋەتتى ەكە­نىن ءبىلدى. نەگىزى, رەسپۋبليكالىق بالالار بايقاۋى 2 كەزەڭنەن تۇرادى. اۋەلى بالاۋسا انشىلەر ايماقتاردان ىرىكتەلىپ, كەيىن اقتىق كەزەڭگە جولداما الادى. بايقاۋدا 8 بەن 12 جاس ارالىعىنداعى بالالار ەسترادالىق-ۆوكالدىق جانردا ونەر كورسەتىپ, باق سىنايدى.

بايقاۋدىڭ تۇساۋى 2013 جى­لى كەسىلسە, سودان بەرىگە دەيىن 9 مار­تە ۇزدىكتەر­دى انىقتادى. جوبا­عا قاتىسىپ, باق سىناعان تا­لانت­تى جاس انشىلەردىڭ الدى بۇگىن­دە حا­لىقارالىق فەستيۆال­دەر­دە ونەر كورسەتىپ, كوپتىڭ قوشەمەتىنە بولەنگەن. ءبىر سوزبەن ايتقاندا, «ايالاعان استانا» بالعىنداردىڭ حالىقارالىق ءان بايقاۋلارىندا ونەر كورسەتۋىنە جول اشتى. جەڭىم­پازدار كوشىن 2013 جىلى بولات باتىرباەۆ باستاسا, كەيىن مۇحامەدالي جۇگى­نىسوۆ, دانەليا تولە­شوۆا, جانەل سادۋاقاس, ءامينا جاپار, بالنۇر حيزيروۆا, ارۋجان ارداق, ايعانىم امانتاي سىندى ۇزدىكتەر جال­عادى. بايقاۋدىڭ شىعارماشىلىق شەبەرحاناسىن كورگەن وزگە دە قاتىسۋ­شىلار بالاۋسا شاعىنان ەلگە تانىلىپ ۇلگەردى. 

گالا-كونتسەرتتىڭ قويۋشى رەجيس­سەرى سايان مىرزا ەلوردا كۇنىنە ارنالعان كونتسەرتكە دايىندىق بارىسىندا باسقا بايقاۋدىڭ لاۋرەتتارىن شاقىرۋعا نيەت­تەنگەنىن ايتتى.

– بيىل مۋزىكالىق تەلەۆيزيالىق بايقاۋعا – 10 جىل. ءبىز وسى گالا-كون­تسەرتتە ءار جىلدارداعى قاتىسۋ­شى­لاردى, ونىڭ ىشىندە جەڭىمپازداردى جيناۋعا تىرىستىق. بۇگىنگى كونتسەرتتە ەرجان ماقسۇم ونەر كورسەتتى, بىراق ول كونكۋرستىڭ قاتىسۋشىسى ەمەس. قاتىسۋشىلاردىڭ اراسىندا ءانشى سادراددين دە بار. بيىل دا ەلىمىزدىڭ تۇكپىر-تۇكپىرىندەگى جاس تالانتتاردى جيناپ, ەلورداعا شاقىردىق. مىنە, ەلوردا كۇنىندە تالانتتى جاستارىمىز قالا تۇرعىندارى مەن قوناقتارىنا اۋەلەتىپ ءان شىرقادى, دەيدى س.مىرزا.

مەرەكەلىك كونتسەرتتە «ايالاعان اس­تانا» بايقاۋىنىڭ جەڭىمپاز, جۇل­دەگەرلەرى ءان شىرقاعانىن ايت­تىق. ولاردىڭ قاي-قاي­سىسى دا بىرى­نەن-ءبىرى قالىسپايتىن ورەندەر. ويتكەنى بايقاۋعا قاتىسقان بال­عىن­دار شوۋ بيزنەستىڭ تانىمال ماماندارىمەن جۇمىس ىستەدى. حالىقارالىق باي­قاۋلاردا توپ جاردى. ايتا كە­تەيىك, بۇل جوبا ون جىلدىڭ ىشىندە كوپ­تەگەن بالدىرعاننىڭ باعىن اشىپ, ۇلكەن ساحناعا شىعۋىنا مۇم­­كىندىك سىيلادى. اشىق اسپان اس­تىن­دا ۇيىمداستىرىلعان گالا-كون­تسەرتتە جاس انشىلەر «ايالاعان اس­تا­نا» بايقاۋىنا تەگىننەن-تەگىن قاتىس­پاعانىن تاعى ءبىر مارتە دەلەلدەدى.