پرەزيدەنت قاسىم-جومارت توقاەۆ ۇلتتىق دومبىرا كۇنىنە وراي Twitter پاراقشاسىندا قۇتتىقتاۋ جاريالادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
«بارشاڭىزدى ۇلتتىق دومبىرا كۇنىمەن قۇتتىقتايمىن! كونە داۋىردەن جەتكەن بۇل اسپاپ حالقىمىزدىڭ بولمىس-ءبىتىمىن, سالت-ءداستۇرى مەن مادەنيەتىن ايشىقتايدى. رۋحىمىزدى كوتەرىپ, مەرەيىمىزدى وسىرگەن دومبىرا اسىل مۇرامىزعا, ۇلتتىڭ سيمۆولىنا اينالدى. ءبىز ونى جان-جاقتى دارىپتەي بەرەمىز», دەپ جازدى مەملەكەت باسشىسى.