1 شىلدەدە قازاقستاننىڭ باسىم بولىگىندە بۇلتتى اۋا رايى ساقتالىپ, جاڭبىر جاۋىپ, نايزاعاي وينايدى, دەپ حابارلايدى Egemen.kz.
«قازگيدرومەت» سينوپتيكتەرىنىڭ حابارلاۋىنشا, 1 شىلدەدە رەسپۋبليكا اۋماعىنىڭ باسىم بولىگى اتموسفەرالىق فرونتالدى بولىكتەردىڭ ىقپالىندا بولادى, ياعني رەسپۋبليكادا نايزاعاي ويناپ, جاڭبىر جاۋادى. تەك ەلدىڭ سولتۇستىگىندە, وڭتۇستىگىندە جانە ورتالىعىندا جاۋىن-شاشىنسىز اۋا رايى ساقتالادى.
«رەسپۋبليكانىڭ باسىم بولىگىندە جەلدىڭ كۇشەيۋى ساقتالادى, رەسپۋبليكانىڭ باتىسىندا بۇرشاق جاۋىپ, كوكتايعاق بولادى, سولتۇستىكتە, تۇندە جانە تاڭەرتەڭ قازاقستاننىڭ ورتالىعىندا تۇمان تۇسەدى, كۇندىز وڭتۇستىكتە شاڭدى داۋىل سوعادى», دەپ ەسكەرتتى سينوپتيكتەر.
استانادا سينوپتيكتەردىڭ بولجاۋىنشا, كوشپەلى بۇلت شىعادى, جاۋىن-شاشىن بولمايدى. شىعىستان سوعاتىن جەل 3-8 م/س. اۋا تەمپەراتۋراسى تۇندە +11...+13°س, كۇندىز +27...+29°س.
الماتىدا كوشپەلى بۇلت شىعادى, جاۋىن-شاشىنسىز. سولتۇستىك-باتىستان 3-8 م/س جەل سوعادى. تۇندە +15...+17°س, كۇندىز +29...+31°س.
شىمكەنتتە كوشپەلى بۇلت شىعادى, جاۋىن-شاشىنسىز. سولتۇستىك-شىعىستان 8-10 م/س جەل سوعادى. تۇندە +18...+20°س, كۇندىز +35...+37°س.