بۇگىن ەلىمىزدىڭ باسىم بولىگىندە جاڭبىر جاۋادى

قازاقستان اۋماعىنىڭ باسىم بولىگى سولتۇستىك-باتىس تسيكلوننىڭ جانە اتموسفەرالىق فرونتالدى بولىكتەردىڭ ىقپالىندا بولادى. سونىڭ سالدارىنان جاڭبىر جاۋىپ, ەلدىڭ باتىسىندا, شىعىسىندا نايزاعاي وينايدى.

تەك رەسپۋبليكانىڭ وڭتۇستىك-باتىسىندا عانا كۇن جاۋىن-شاشىنسىز بولادى. ەلدىڭ باسىم بولىگىندە جەل كۇشەيىپ, باتىستا, سولتۇستىكتە, شىعىستا, ورتالىقتا بۇرشاق جاۋادى, داۋىل تۇرىپ, سولتۇستىكتە تۇمان تۇسەدى.

تۇركىستان, ماڭعىستاۋ, جامبىل وبلىستارىندا, اقتوبە, قاراعاندى, ۇلىتاۋ وبلىستارىنىڭ وڭتۇستىگىندە, اتىراۋ وبلىسىنىڭ شىعىسىندا, وڭتۇستىگىندە, قىزىلوردا وبلىسىنىڭ باتىسىندا, شىعىسىندا توتەنشە ءورت قاۋپى ساقتالادى.

جەتىسۋ وبلىسىنىڭ باسىم بولىگىندە, قىزىلوردا وبلىسىنىڭ ورتالىعىندا جوعارى ءورت قاۋپى جالعاسادى.