اتالعان پورتقا ايالداعان فرەنك-ۆالتەر شتاينمايەر ينفراقۇرىلىمدىق نىساننىڭ جۇمىسىمەن تانىستى, دەپ حابارلايدى Egemen.kz يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتىنە سىلتەمە جاساپ.
گەرمانيا پرەزيدەنتى تەمىرجول جانە اۆتوموبيل كولىگىمەن پارومدارعا جۇكتى تيەۋ پروتسەسىن, سونداي-اق كاسپي تەڭىزىنىڭ قازاقستاننىڭ بولىگىندەگى, ونىڭ ىشىندە ترانسكاسپي حالىقارالىق كولىك باعىتى اياسىندا وسى ينفراقۇرىلىمدى دامىتۋ جونىندەگى جوسپارلاردى باعامداپ قايتتى.
بۇل ورايدا قازاقستاننىڭ ۇكىمەت باسشىسى گفر پرەزيدەنتىنە اتالعان باعىت ارقىلى بىلتىر جۇك تاسىمالىنىڭ كولەمى 2 ەسەگە ۇلعايعانىن, سونداي-اق بيىلعى 5 ايدا 64%-عا ارتقانىن جەتكىزدى.
قۇرىق پورتىن ارالاۋ كەزىندە تاراپتار ترانزيتتىك الەۋەتتى كۇشەيتۋ مەن ينۆەستيتسيا تارتۋ ماسەلەلەرىندە ۇزاقمەرزىمدى جەمىستى ارىپتەستىكتى دامىتىپ, نىعايتۋدىڭ ماڭىزدىلىعىنا توقتالدى. سونىمەن قاتار گەرمانيالىقتار كولىك-لوگيستيكاسى باعىتىندا پەرسپەكتيۆالى جوبالاردى ىسكە اسىرۋعا بىرلەسىپ جۇمىس ىستەۋگە دايىن ەكەندەرىن ايتتى.