الەكساندر بۋبليك گەرمانياداعى جارىستىڭ شيرەك فينالىنا شىقتى

قازاقستاندىق تەننيسشى ەكىنشى اينالىمدا الەمنىڭ 21-راكەتكاسى, گەرمانيالىق يان-لەننارد شترۋفپەن باق سىناستى.

ءبىرىنشى پارتيادا ا.بۋبليك 6:3 ەسەبىمەن باسىمىراق بولدى. 

ەكىنشىسىندە گەرمانيالىق سپورتشى تاي-برەيكتە ەسەسىن جىبەرمەدى - 7:6 (7:4).

ءۇشىنشى, شەشۋشى سەتتە قازاقستاندىق تەننيسشى شەبەرلىكپەن جەڭىسكە جەتتى. ەسەپ - 6:3.

ەكى ساعات 14 مينۋتقا سوزىلعان كەزدەسۋدە بۋبليك 23 ەيس جاساپ, 14 برەيك-پوينتتىڭ تورتەۋىن پايدالانا ءبىلدى. قارسىلاسى 14 ەيس, 2 برەيكپەن كوزگە ءتۇستى.

الەكساندر بۋبليك جارتىلاي فينالعا شىعۋ ءۇشىن الەمنىڭ 9-راكەتكاسى, يتاليالىق ياننيك سيننەرمەن تالاسادى.

ول ەكىنشى اينالىمدا وتانداسى لورەنتسو سونەگونى ءسۇرىندىردى - 6:7 (4:7), 6:4, 6:4.