بۇل كۇندەرى الماتىدا قازاقستان رەسپۋبليكاسىنداعى يتاليا ەلشىلىگىنىڭ ساۋدا الماسۋدى دامىتۋ ءبولىمى مەن Cosmetica Italia ۇلتتىق قاۋىمداستىعىنىڭ ۇيىتقى بولۋىمەن, ءۇش كۇنگە ۇلاساتىن «Italian Beauty Days» ءىس-ءشاراسىوتىپ جاتىر.
قازاقستاندا عانا ەمەس, ورتالىق ازياداعى ەڭ العاشقى, تەك قانا يتاليالىق پارفيۋمەريا مەن كوسمەتيكا وندىرۋشىلەرى عانا قاتىسىپ جاتقان كۇندەرگە يتاليانىڭ 22 ءىرى كومپانياسى قاتىسۋدا. وعان قوسا اۋقىمدى وقيعا اياسىندا قازاقستان, وزبەكستان, قىرعىزستان جانە تاجىكستاننىڭ 300-دەن استام كوسمەتيكا سالاسىنىڭ ماماندارى يتاليالىق وندىرۋشىلەرمەن كەزدەسىپ, اقىل-كەڭەس الماسۋ جۇمىستارىنا ارالاسىپ وتىر.
Italian Beauty Days – قازاقستاندىق ىسكەرلەرگە يتاليالىق وندىرۋشىلەردىڭ باسىم بولىگىمەن تىكەلەي بايلانىس ورناتۋعا, جاڭا ىسكەر سەرىكتەستەر تابۋعا, ىنتىماقتاستىق شارتتارىن تالقىلاۋعا, نارىقتى زەرتتەۋگە, ۇسىنىستاردى تالداۋعا جانە ارنايى باعالار بويىنشا كەلىسىمشارتتار جاساۋعا جول اشىپ وتىر. قىزىعۋشىلىق تانىتقان تۇتىنۋشىلار زاماناۋي سۇلۋلىق يندۋسترياسىنىڭ ۇردىستەرى تۋرالى ەڭ وزەكتى اقپاراتتى الىپ قانا قويماي, يتاليالىق ساراپشىلارعا سۇلۋلىق يندۋسترياسىنا قاتىستى سۇراقتار قويۋعا, ويلاسۋعا مۇمكىندىك الىپ جاتىر.
وسى ورايدا بۇل باستاما– سدب مەن Cosmetica Italia سالالىق كومپانيالار قاۋىمداستىعىنىڭ بىرلەسكەن باستاماسى ەكەندىگىن اتاپ وتكەن ءجون. ونىڭ ىشىندە بۇكىل يتاليادا ورنالاسقان ترانسۇلتتىق كورپوراتسيالاردان باستاپ شاعىن جانە ورتا وندىرىستىك جانە ديستريبيۋتورلىق فيرمالارعا دەيىن 640-تان استام كومپانيالارى قامتىلعان. Cosmetica Italia-نى قۇرايتىن كومپانيالار كوسمەتيكا سەكتورىنىڭ جالپى ۇلتتىق اينالىمىنىڭ 90% قۇرايدى (2022 جىلى 13,3 ملرد ەۋرو). سونىمەن قاتار, ەۋروپادا يتاليالىق كوسمەتيكا نارىعى گەرمانيا مەن فرانتسيادان كەيىنگى ءۇشىنشى ورىن الادى. ماسەلەن, دۇنيەجۇزىندە قولدانىلاتىن كوسمەتيكانىڭ 55 پايىزىن يتاليالىق فيرمالار وندىرەتىنىن اتاپ وتسەك تە جەتكىلىكتى. وعان قوسا Cosmetica Italia كوسمەتيكا ونەركاسىبىنە ارنالعان حالىقارالىق Cosmoprof BolognaFiere جارمەڭكەسىنىڭ نەگىزگى سەرىكتەسى.
«يتاليالىق وندىرۋشىلەر ءۇشىن قازاقستان مەن ورتالىق ازيا نارىعىنداعى جۇمىس وتە ماڭىزدى. مىسالى, 2022 جىلى يتاليالىق كوسمەتيكانىڭ ورتالىق ازياعا ەكسپورتى 2021 جىلمەن سالىستىرعاندا 24,9%-كە ءوستى. قازاقستاندى عانا ايتار بولساق, مۇندا ءوسىم 40,7%-كە جەتتى. بۇل تاڭعالارلىق دۇنيە ەمەس: Made in Italy كوسمەتيكاسى جوعارى ساپا مەن وندىرۋشىلەردىڭ يننوۆاتسيالارعا دەگەن ۇمتىلىسىنىڭ ارقاسىندا تانىمال. يتاليانىڭ كوسمەتيكالىق كومپانيالارى عىلىمي-زەرتتەۋ جانە تاجىريبەلىك-كونسترۋكتورلىق جۇمىستارعا ورتا ەسەپپەن ءوز اينالىمىنىڭ كەمىندە 6% ينۆەستيتسيالايدى. نارىق ۇردىستەرى مەن تۇتىنۋشىلاردىڭ قاجەتتىلىكتەرىنە ۇنەمى نازار اۋدارۋ بىزگە كوپ تالاپ ەتىلەتىن قاجەتتىلىكتەردى قاناعاتتاندىرا الاتىن ونىمدەردى ۇسىنۋعا مۇمكىندىك بەرەدى. قازاقستانمەن, جالپى ورتالىق ازيا نارىعىمەن, جەرگىلىكتى تۇتىنۋشىلاردىڭ داستۇرلەرى جانە تالعامدارىمەن تانىسۋ, ءارى ءبىلىمىمىزدى تەرەڭدەتۋ يتاليالىق كومپانيالار ءۇشىن وتە ماڭىزدى جانە قۇندى», دەيدى Cosmetica Italia ۆيتسە-پرەزيدەنتى فابيو فرانكينا.
ءوز كەزەگىندە الماتىداعى سدب ديرەكتورى مارتينو كاستەللاني مىرزا يتاليانىڭ وندىرىستىك كومپانيالارى مەن قازاقستان كاسىپكەرلەرى اراسىنداعى ەكونوميكالىق جانە ساۋدا بايلانىستارىن نىعايتۋدىڭ ماڭىزدىلىعىن اتاپ ءوتتى. ونىڭ پىكىرىنشە, مۇنداي بايلانىستار قازاقستان مەن ءوڭىر نارىعىنىڭ وسى سالاسىن جوعارى دەڭگەيگە كوتەرۋگە مۇمكىندىك بەرەدى.