بۇل تۋرالى مادەنيەت جانە سپورت ءمينيسترى اسحات ورالوۆ رەسپۋبليكالىق ونوماستيكا كوميسسياسىنىڭ وتىرىسى بارىسىندا حابارلادى, دەپ جازادى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.
جيىنعا پارلامەنت دەپۋتاتتارى, مينيسترلىك وكىلدەرى, عالىمدار مەن جازۋشىلار قاتىستى. كەزدەسۋدە قازاقستاننىڭ وڭىرلەرىندەگى 18 وقۋ ورنىن جانە كوكشەتاۋ, قوسشى, ستەپنوگورسك (اقمولا وبلىسى) ارىس (تۇركىستان وبلىسى) جانە تالدىقورعان (جەتىسۋ وبلىسى) قالالارىنداعى 69 كوشەنى قايتا اتاۋ ماسەلەسى تالقىلاندى.وتىرىس قورىتىندىسى بويىنشا وڭتۇستىك قازاقستان پەداگوگيكالىق ۋنيۆەرسيتەتىنە كورنەكتى مەملەكەت جانە قوعام قايراتكەرى, عالىم-ەتنوگراف, تاريحشى, اكادەميك وزبەكالى جانىبەكوۆتىڭ ەسىمىن بەرۋ تۋرالى شەشىم قابىلداندى.اقتاۋ قالاسىنداعى №28 جالپى ءبىلىم بەرەتىن مەكتەپكە ۇلى اعارتۋشى, عالىم, اقىن جانە پۋبليتسيست احمەت بايتۇرسىن ۇلىنىڭ ەسىمى بەرىلدى. «ۇلت ۇستازىنىڭ» ەسىمىمەن قوستاناي اۋدانىنىڭ ءبىلىم ءبولىمىنىڭ مەملەكەتتىك تىلدە وقىتاتىن زارەچنايا جالپى ءبىلىم بەرەتىن مەكتەبى, سونداي-اق جەتىسۋ وبلىسى الاكول اۋدانىنىڭ ءۇشارال قالاسىنىڭ №1 ورتا مەكتەبى اتالادى. جەتىسۋ وبلىسى الاكول اۋدانى بەسكول ستانتسياسىنىڭ № 14 ورتا مەكتەبى الەمگە ايگىلى قازاق جازۋشىسى مۇحتار اۋەزوۆتىڭ قۇرمەتىنە وزگەرتىلەدى.سونداي-اق تۇركىستان وبلىسىنىڭ ارىس قالاسىندا روزا باعلانوۆانىڭ, قازاقستاننىڭ حالىق جازۋشىسى شەرحان مۇرتازانىڭ جانە ءارتۇرلى گەوگرافيالىق ورىنداردىڭ: شارىن, سارىارقا, ۇلىتاۋ, جيدەباي, سارايشىق جانە ت. ب. اتىنداعى كوشەلەر پايدا بولادى.«گۇلدەر», «اسۋ», «تىرشىلىك» جانە «اينالايىن» سىندى اتاۋلاردىڭ ءبىر بولىگى قايتا قاراۋعا باعىتتالدى. وتىرىسقا قاتىسۋشىلار كوشە اتاۋلارى ءوڭىردىڭ تاريحي جانە گەوگرافيالىق ەرەكشەلىكتەرىن كورسەتىپ, ناقتى ماعىناعا يە بولۋى كەرەك دەگەن پىكىرگە كەلدى.
«جاقىندا تۇركىستاندا وتكەن ۇلتتىق قۇرىلتايدىڭ II وتىرىسىندا مەملەكەت باسشىسى قاسىم-جومارت توقاەۆ ءومىربايانى بىرەۋدىڭ جەكە مۇددەسى مەن قالاۋى ءۇشىن ماقساتتى تۇردە ميفولوگيالانعان كەڭەستىك كەزەڭدەگى قايراتكەرلەردىڭ ەسىمدەرىن ءارتۇرلى نىساندارعا بەرۋ تاجىريبەسىن توقتاتۋ كەرەكتىگىن ايتتى. پرەزيدەنت ونوماستيكا سالاسىندا ءتارتىپ ورناتۋدى جانە وڭىرلىك ەرەكشەلىكتەردى دە, جالپىۇلتتىق باسىمدىقتاردى دا ەسكەرە وتىرىپ, بارلىق راسىمدەردى رەگلامەنتتەۋدى تاپسىرعان بولاتىن. ءدال وسى ماقساتتا مادەنيەت جانە سپورت مينيسترلىگى كورنەكتى قايراتكەرلەر مەن تاريحي تۇلعالاردىڭ «تاريحي تۇلعالار» ءتىزىمىن وزەكتەندىرۋ بويىنشا جۇمىس جۇرگىزۋدە, سونىڭ نەگىزىندە نىساندار مەن كوشەلەرگە جاڭا اتاۋلار بەرىلەدى», دەدى اسحات ورالوۆ.
قازىرگى ۋاقىتتا كوميسسياعا 681 ۇسىنىس ءتۇستى. ولاردى جەرگىلىكتى ونوماستيكالىق كوميسسيالاردىڭ قاراۋىنا اكىمدىكتەرگە جىبەرۋ تۋرالى شەشىم قابىلداندى.