پاريج قالاسىنىڭ ورتالىعىندا بولعان جارىلىس سالدارىنان 37 ادام زارداپ شەكتى. تاعى ءتورت ادامنىڭ جاعدايى ناشار, دەپ حابارلايدى Egemen.kz Euronews-كە سىلتەمە جاساپ .
اگەنتتىكتىڭ مالىمەتىنە سۇيەنسەك, ءۇيىندى استىندا ەكى ادام قالۋى مۇمكىن. بۇل جاعداي فرانتسيا استاناسىنىڭ بەسىنشى اۋدانىندا, ليۋكسەمبۋرگ ساياباعى مەن پانتەونعا جاقىن جەردە ورنالاسقان پاريجدەگى امەريكا اكادەمياسىنىڭ عيماراتىندا بولدى.
الدىن الا بولجام بويىنشا, عيمارات ىشىندە گاز جارىلىپ, قاسبەتى جولعا قۇلادى. جاقىن ماڭداعى ۇيلەردىڭ تۇرعىندارى ەۆاكۋاتسيالاندى.
وقيعا ورنىنا ەكى جۇزدەن استام ءورت ءسوندىرۋشى, قۇتقارۋ قىزمەتتەرى, سونداي-اق پاريج مەرى انن يدالگو كەلدى.
پروكۋراتۋرا جارىلىس سەبەبىنىڭ ەكى نۇسقاسىن تەرگەۋ ۇستىندە – «قاۋىپسىزدىك ەرەجەلەرىن بۇزۋ» جانە «ادامداردىڭ سالاقتىعى». بۇل تۋرالى بريفينگتە پاريج پروكۋرورى لور بەكيۋو حابارلادى.