بۇل كۇندەرى تالدىقورعاندا ۆەلوسپورتتان ەل چەمپيوناتى ءوتىپ جاتىر. بۇل جارىستا ەلىمىزدىڭ ءار وڭىرىنەن جينالعان 175 ۇمىتكەر باق سىناۋدا.
سپورتتىڭ بۇل تۇرىنەن حالىقارالىق دودالار جىل بويى ۇزدىكسىز ءوتىپ تۇراتىنى بەلگىلى. ال قازىرگى كەزدە ەكى اپتالىق ءۇزىلىس جاريالاندى. وسى كەزدە ءاربىر مەملەكەت وزدەرىنىڭ ىشكى بىرىنشىلىكتەرىن وتكىزۋدى داستۇرگە اينالدىرعان. سولاردىڭ قاتارىندا قازاقستان دا بار. قازىرگى كەزدە اتالعان جارىستىڭ العاشقى جۇلدەلەرى دە ساراپقا سالىنىپ ۇلگەردى. باق سىناۋشىلار قاتارىندا الەكسەي لۋتسەنكو, دميتري گرۋزدەۆ, ارتەم زاحاروۆ, ەۆگەني گيديچ جانە يۋري ناتاروۆ سىندى رەسپۋبليكا چەمپيوناتىندا تالاي مارتە توپ جارىپ, كوپتەگەن حالىقارالىق جارىستا وزدەرىن جاقسى قىرلارىنان كورسەتىپ جۇرگەن تانىمال ۆەلوشاباندوزدار دا بار.
تالدىقورعانداعى تارتىس 26 ماۋسىمعا دەيىن جالعاسادى. سونىڭ قورىتىندىسى بويىنشا الداعى ۋاقىتتا ءدۇبىرلى دودالاردا ەل نامىسىن قورعايتىن كوماندا جاساقتالادى.