قارت قۇرلىقتا ەكى بىردەي اسا ءىرى حالىقارالىق ءتۋرنيردىڭ تۇساۋى كەسىلدى. سول جارىستاردا ەلىمىزدىڭ تەننيسشىلەرى دە ءوز باقتارىن سىناپ جاتىر.
گەرمانيانىڭ استاناسىندا جۇلدە قورى 678 814 ەۋرونى قۇراعان ءدۇبىرلى دودانىڭ العاشقى اينالىمىندا الەمنىڭ ءۇشىنشى راكەتكاسى ەلەنا رىباكينا رەسەيلىك پولينا كۋدەرمەتوۆامەن كۇش سىناستى. 20 جاستاعى پولينا ۇزدىكتەر رەيتينگىندە 139-ورىندا تۇر. بەرليندە جاڭبىردىڭ تولاسسىز جاۋعانىنىڭ سالدارىنان بۇل باسەكە بىرەسە توقتاپ, بىرەسە قايتا جالعاستى. اقىرى 4 ساعات 18 مينۋتقا سوزىلعان تارتىس 6:4, 6:2 ەسەبىمەن جەرلەسىمىزدىڭ پايداسىنا شەشىلدى. كەشە كەشكىسىن رىباكينا حورۆاتيالىق دوننا ۆەكيچپەن ەكىنشى كەزەڭدە شەبەرلىك بايقاستى.