سەمسەرلەسۋدەن قازاقستان ەرلەر قۇراماسى ازيا چەمپيوناتىندا ەكىنشى ورىن الدى. ازىرگە بۇل قىتايدىڭ ۋسي قالاسىندا ءوتىپ جاتقان قۇرلىقتىق چەمپيوناتتاعى جالعىز جۇلدە بولىپ تۇر, دەپ حابارلايدى Egemen.kz.
ۇلتتىق قۇراما شەشۋشى بەلدەسۋ جولىندا ءفيليپپيندى - 45:37, وزبەكستاندى - 45:40 جانە وڭتۇستىك كورەيانى 42:36 ەسەبىمەن جەڭدى. كوماندالىق سەمسەرلەسۋ جارىسىندا رۋسلان قۇربانوۆ, ەلمير ءالىمجانوۆ, ۆاديم شارلايموۆ, ەرلىك سەرتاي كۇمىس جۇلدەنى جەڭىپ الدى.
ايتا كەتەيىك, سەمسەرلەسۋدەن ازيا چەمپيوناتىندا قازاقستان اتىنان 19 سپورتشى قاتىسىپ جاتىر. تۋرنير 22 ماۋسىمدا اياقتالادى.