21 ماۋسىمدا ەل اۋماعىنىڭ باسىم بولىگى اتموسفەرالىق فرونتالدى بولىكتەردىڭ ىقپالىندا بولادى. سوعان بايلانىستى جاڭبىر مەن نايزاعاي ساقتالادى. رەسپۋبليكانىڭ سولتۇستىگىندە, شىعىسىندا, وڭتۇستىك-شىعىسى مەن ورتالىعىندا – بۇرشاق, داۋىل, ەكپىندى جەل كۇتىلەدى. وڭتۇستىك-شىعىستا, وڭتۇستىك-باتىس پەن سولتۇستىك-شىعىستا شاڭدى داۋىل سوعادى, دەپ حابارلايدى Egemen.kz «قازگيدرومەتكە» سىلتەمە جاساپ.
بۇدان بولەك, تۇركىستان, جامبىل, ماڭعىستاۋ, شىعىس قازاقستان, اباي وبلىستارىندا, قىزىلوردا وبلىسىنىڭ باتىسىندا, شىعىسىندا, پاۆلودار وبلىسىنىڭ ورتالىعىندا, اتىراۋ وبلىسىنىڭ سولتۇستىگىندە, شىعىسىندا, ۇلىتاۋ وبلىسىنىڭ وڭتۇستىگىندە, قاراعاندى وبلىسىنىڭ وڭتۇستىگىندە, ورتالىعىندا, قوستاناي وبلىسىنىڭ وڭتۇستىك جارتىسىندا ءورت تۇتانۋدىڭ وتە جوعارى قاۋپى ساقتالادى.
باتىس قازاقستان وبلىسىنىڭ ورتالىعىندا, وڭتۇستىك-شىعىسىندا, الماتى, جەتىسۋ وبلىستارىنىڭ باسىم بولىگىندە, اقتوبە وبلىسىنىڭ وڭتۇستىك-شىعىسىندا ءورت تۇتانۋدىڭ جوعارى قاۋپى كۇتىلەدى.