سينگاپۋردە سپورتتىق گيمناستيكادان ازيا چەمپيوناتى ءوز مارەسىنە جەتتى. بۇل جارىستا قازاقستان قۇراماسى ءۇش جۇلدەگە قول جەتكىزدى.
«ات جاتتىعۋىندا» ناريمان قۇربانوۆ باس جۇلدەنى ولجالادى. 25 جاستاعى جەرلەسىمىز بۇعان دەيىن دە بىراقتار اسا ءىرى حالىقارالىق جارىستاردا جەڭىس تۇعىرىنا كوتەرىلگەن. قۇرلىقتىق دەڭگەيدەگى دودالاردا سان مارتە دارالانىپ, وليمپيا ويىندارىندا دا باق سىنادى. بۇگىنگى تاڭدا ناريمان – ەلىمىزدەگى ەڭ ۇزدىك گيمناسشىلاردىڭ ءبىرى ءارى بىرگەيى. ەركىن جاتتىعۋدا دميتري پاتانين كۇمىس مەدالدى موينىنا ءىلدى. ال كوماندالىق سايىستا ءبىزدىڭ جىگىتتەر قولا جۇلدەنى قاناعات تۇتتى.
وسى ەلەۋلى تابىسىنىڭ ارقاسىندا وتانداستارىمىز بيىل 30 قىركۇيەك پەن 8 قازان ارالىعىندا بەلگيانىڭ انتۆەرپەن قالاسىندا جالاۋى جەلبىرەيتىن الەم چەمپيوناتىنىڭ جولداماسىنا يەلىك ەتتى.