كوكشەتاۋدا ۇلتتىق سپورت تۇرلەرى – جامبى اتۋ مەن تەڭگە ىلۋدەن جاسوسپىرىمدەر, جاستار, ەرەسەكتەر اراسىنداعى ەل چەمپيوناتىنىڭ جالاۋى جەلبىرەدى.
جارىس قارساڭىندا قازاقستان جامبى اتۋ فەدەراتسياسىنىڭ كەزەكتەن تىس كونفەرەنتسياسى ءوتتى. وسى جيىن بارىسىندا ەلىمىزدەگى جامبى اتۋ سالاسىنداعى ماماندار مەن سپورتشىلارعا 2023-2027 جىلدارعا ارنالعان دامۋ باعدارلاماسى تانىستىرىلىپ, 2024 جىلى وتەتىن V دۇنيەجۇزىلىك كوشپەلىلەر ويىندارىنا دايىندىق ماسەلەسى پىسىقتالدى.
فەدەراتسيا پرەزيدەنتى ەركەبۇلان ءىلياسوۆ باپكەرلەر مەن سپورتشىلاردى ىنتالاندىرۋ ماقساتىندا اتالعان دودادا ۇزدىك ونەر كورسەتكەن سپورتشىلارعا پاتەر جانە باپكەرىنە قارجىلاي سىيلىق بەرىلەتىنىن دە ايتتى.