زايسان اۋدانىنىڭ اينابۇلاق اۋىلىنداعى كىتاپحانادا قازاقستان گيننەس رەكوردتار كىتابىنا ەنگەن سوزجۇمباق شەبەرى, قازىنالى قاريا قاليبەك التىباەۆتىڭ مەرەيتويىنا ارنالعان «زايساننان شىققان تالانت يەسى» اتتى دوڭگەلەك ۇستەل ءوتتى.
حالىقتىڭ ىستىق ىقىلاسىنا بولەنىپ جۇرگەن قاليبەك قيزات ۇلىنىڭ شىعارماشىلىعى مەن ءومىر جولىن وسكەلەڭ ۇرپاققا ونەگە ەتۋ ماقساتىندا ۇيىمداستىرىلعان بۇل ءىس-شارادا كىتاپ كورمەسى ۇيىمداستىرىلىپ, ا.س.پۋشكين اتىنداعى شىعىس قازاقستان وبلىستىق كىتاپحاناسىنىڭ قاليبەك قيزات ۇلىمەن جۇرگىزگەن سىرلى سۇحباتى وقىرمان نازارىنا ۇسىنىلدى. سۇحباتتا قاليبەك اقساقال ءوز ومىرىنەن سىر شەرتە كەلە, سوزجۇمباق قۇراستىرۋعا قالاي بەت بۇرعانىن ايتتى.
– سوزجۇمباق – قازاق قوعامىنا ەتەنە ەنبەگەن جانر. جالپى, سوزجۇمباق جەر بەتىندە وسىدان 150 جىل بۇرىن پايدا بولعان ەكەن. ەڭ العاشقى سوزجۇمباق اقش-تا 1875 جىلى جارىق كورگەن. ال بىزدە وتكەن عاسىردىڭ 50-جىلدارى «قازاقستان ايەلدەرى» جۋرنالىنا شىعا باستادى. سودان باستاپ-اق مەندە قىزىعۋشىلىق پايدا بولدى. شەشىپ كورەمىن, كەلەسى سانىندا جاۋاپتارىن سالىستىرامىن. ءسويتىپ ءجۇرىپ ءوزىم قۇراستىراتىن بولدىم. ونى قازاقتىڭ تۇڭعىش سوزجۇمباق قۇراستىرۋشىسى تالاپتان يمانباەۆقا جىبەرىپ ءجۇردىم. قورجىنىم تولدى-اۋ دەگەندە, 1961 جىلى قاڭتاردا تۇڭعىش سوزجۇمباقتار جيناعىمدى شىعاردىم, – دەيدى ق.قيزات ۇلى.
ءىس-شارا سوڭىندا وقىرماندار اۆتوردىڭ سوزجۇمباقتارىن قىزىعۋشىلىقپەن شەشىپ, باعالى سىي-سياپاتقا يە بولدى.
شىعىس قازاقستان وبلىسى,
زايسان اۋدانى