توعىز جولدىڭ تورابىنداعى استانا

بولات جولدىڭ بويىندا ەلوردا ارقا توسىنە قونىس اۋدارعاندا استانا ءۇشىن قاجەتتى ارتىقشىلىقتاردىڭ ءبىرى رەتىندە بۇ­رىنعى اقمولا قالاسى تەمىر جول قاتىناسىنىڭ قىزۋ ورتا­سىندا ورنالاسقاندىعى ايتىلعان ەدى. شىنىندا دا استانانىڭ قازاقستاننىڭ بارلىق  وبلىس ورتالىقتارىمەن,  تمد جانە الىس شەتەلدەردىڭ ۇلكەن شاھار­لارىمەن تەمىر جول بايلا­نى­سىنىڭ بولۋى كوپ مۇمكىن­دىكتەردىڭ بەتىن اشتى. قتج دا  الماتىمەن, باتىس جانە شى­عىستاعى, وڭتۇستىك پەن ءسولتۇس­تىكتەگى وبلىستارمەن بولات جول ارقىلى قاتىناۋدى بارىنشا جاقسارتا ءتۇستى.

رەسپۋبليكا بايتاعىن شىن ءما­نىندە توعىز جولدىڭ تورابىنا وسى تەمىر جول اينالدىرعانى دا تۇسىنىكتى. قازىرگى كەزدە استانا ۆوكزالىنان ەۋروپا مەن ازياعا جولاۋشىلار مەن جۇكتەر ەش توقتاۋسىز جونەلتىلىپ جاتسا, مۇنىڭ ءوزى ەلوردانىڭ ورتالىققا ءتان سيپاتىن بارىنشا ايقىنداپ تۇرعانى.