مەملەكەت باسشىسى قاسىم-جومارت توقاەۆ اباي وبلىسىندا شۇعىل ارەكەت ەتۋ شتابىنىڭ وتىرىسىن وتكىزدى. شۇعىل جيىن بارىسىندا پرەزيدەنت سەمەي ورمانىنداعى الاپات ورتتەن كوز جۇمعان ازاماتتاردىڭ وتباسىنا جانە زارداپ شەككەن ادامدارعا وتەماقى تولەۋ ماسەلەسىن شەشۋدى تاپسىردى, دەپ حابارلايدى Egemen.kz اقورداعا سىلتەمە جاساپ.
«قازىرگى باستى مىندەت – ادام ءومىرىن ساقتاپ قالۋ. سونداي-اق ءورتتى توقتاتىپ, ەلدى مەكەندەرگە تارالۋىنا جول بەرمەۋ. ءورت قاۋپى بار جەردەن كوشىرىلگەن تۇرعىنداردى قاۋىپسىز مەكەنگە ورنالاستىرىپ, ولارعا قاجەتتى جاعداي جاساۋ كەرەك. قاتەردىڭ بەتى قايتقان سوڭ, زالالدىڭ كولەمىن شۇعىل انىقتاۋ قاجەت», دەدى قاسىم-جومارت كەمەل ۇلى.
بۇل رەتتە پرەزيدەنت زارداپ شەككەن تۇرعىنداردىڭ بارىنە قولداۋ كورسەتىلەتىنىن قايتالاپ ايتتى.
«مەن جاڭا عانا ازاماتتارمەن كەزدەستىم, ۋادە بەردىم. سوندىقتان بەرىلگەن ۋادەنى مىندەتتى تۇردە ورىنداۋىم كەرەك. قازا بولعان ازاماتتاردىڭ وتباسىنا جانە زارداپ شەككەن ادامدارعا وتەماقى تولەۋ ماسەلەسىن شەشۋدى تاپسىرامىن. بۇل ماسەلەدە سوزبالاڭعا سالۋ مۇلدەم بولماۋى كەرەك.
الاپات ءورت كەزىندە ءومىرىن قۇربان ەتكەن جاندار مەملەكەتتىك ناگراداعا ۇسىنىلسىن. سونداي-اق ب ۇلىنگەن نىسانداردى قالپىنا كەلتىرۋ جۇمىستارىن دەرەۋ باستاۋ قاجەت», دەدى مەملەكەت باسشىسى.