مۇسىلمان اقساقالدار كەڭەسى - تاۋەلسىز حالىقارالىق ۇيىم. 2014 جىلى قۇرىلعان ينستيتۋت مۇسىلمان قاۋىمداستىعىنا بەيبىتشىلىك پەن كەلىسىم قۇندىلىقتارىن ناسيحاتتايدى, دەپ حابارلايدى Egemen.kz.
اقپارات جانە قوعامدىق دامۋ ءمينيسترى دارحان قىدىرالى استانادا مۇسىلمان اقساقالدار كەڭەسىنىڭ باس حاتشىسى مۇحامەد ابدەلسالاممەن كەزدەستى.
ەكى تاراپ بۇعان دەيىن دە ابۋ دابيدە وتكەن تولەرانتتىلىق تاقىرىبىنداعى فورۋمدا جۇزدەسىپ, مۇسىلمان اقساقالدار كەڭەسىنىڭ قازاقستانداعى وكىلدىگىن اشۋ جايىن تالقىلاعان بولاتىن.
بۇل جولعى كەزدەسۋدە استانادا وكىلدىكتىڭ اشىلاتىنى ءمالىم بولدى.
سونداي-اق دارحان قىدىرالى باس حاتشى مۇحامەد ابدەلسالامدى مينيسترلىكتىڭ جەتەكشىلىك ەتەتىن سالالارىمەن قىسقاشا تانىستىرىپ, تولەرانتتىلىق, دىنارالىق تاتۋلىقتى ناسيحاتتاۋ جانە حالىقارالىق دەڭگەيدە بىرگە جۇمىس ىستەۋ تۋرالى سويلەستى.
«قازاقستانعا, ءوزىمنىڭ باۋىرلاس ەلىمە دەپ, قاشان دا ەرەكشە قۋانىشپەن كەلەمىن. قوناقجايلىقتارىڭىزعا زور العىس بىلدىرەمىن. ەلارالىق ءوزارا ءتيىمدى قارىم-قاتىناسقا ادەتتەگىدەي نيەتتىمىز», دەدى مۇحامەد ابدەلسالام.