ورمان شارۋاشىلىعى كوميتەتىنىڭ اقپاراتىنا سايكەس, ءورت اۋدانى 30 000 گەكتاردى قۇرايدى, دەپ حابارلايدى Egemen.kz.
قازىرگى ۋاقىتتا ءورتتى سوندىرۋگە تجم, ورمان شارۋاشىلىعى كوميتەتىنەن, جەرگىلىكتى اتقارۋشى ورگانداردان جانە قورعانىس مينيسترلىگىنەن 600 استام ادام, 168 تەحنيكا جۇمىلدىرىلعان.
«6 تىكۇشاق تارتىلدى, ءورت اۋماعىن اەروۆيزۋالدى تەكسەرۋ جانە ءورت وشاقتارىنا سۋ اعىزۋ جۇزەگە اسىرىلۋدا. ءورت وشاقتارىنا اۋەدەن 55 رەت سۋ توگىلدى, جالپى كولەمى 154 توننانى قۇرايدى», دەپ حابارلادى تجم ءباسپاسوز قىزمەتى.
مينيستر يۋري يلين اباي وبلىسىنداعى ورتكە جانە ءورتتى سوندىرۋگە تارتىلعان كۇشتەر مەن قۇرالداردى ۇيلەستىرۋ قاجەتتىلىگىنە بايلانىستى سولتۇستىك قازاقستان وبلىسىنا جۇمىس ساپارىن توقتاتتى. مينيستر تجم داعدارىس جاعدايىندا باسقارۋ ورتالىعىنداعى شتابتى جەكە ءوزى باسقارادى.