2023 جىلدىڭ ءبىرىنشى توقسانىندا قازاقستاندا 732,8 ملن ليتر الكوگولسىز جانە مينەرالدى سۋسىن ءوندىرىلدى, بۇل وتكەن جىلدىڭ سايكەس كەزەڭىمەن سالىستىرعاندا 10,2%-عا ارتىق, دەپ حابارلايدى Egemen.kz ۇلتتىق ستاتيستيكا بيۋروسىنا سىلتەمە جاساپ.
بيۋرو ۇسىنعان دەرەكتەرگە سايكەس, اتالعان كەزەڭدە ءونىم ەكسپورتى 23%-عا ارتتى. دالىرەك ايتقاندا, 43,4 ملن توننا مينەرالدى سۋ مەن الكوگولسىز سۋسىن شەتەلگە جونەلتىلدى.
بۇل ونىمدەردىڭ يمپورتى دا 15,3%-عا وسكەنىن ايتا كەتكەن ورىندى. جالپى 2023 جىلدىڭ ءبىرىنشى توقسانىندا ەل اۋماعىنا 78,3 ميلليون توننادان استام ءونىم اكەلىنگەن.