شىعىس قازاقستاندا كۇن كۇرت ىسىپ, بيىك تاۋلارداعى مۇزدىقتار ەرىپ جاتىر. ەرىگەن قار سۋى وزەندەرگە قۇيىلىپ, سۋ دەڭگەيى شامادان تىس كوتەرىلگەن. سالدارىنان كاتونقاراعاي اۋدانى, بەرەل اۋىلىنداعى ۇلكەن كوپىردىڭ ءبىر باسىن سۋ قۇلاتىپ كەتتى, دەپ حابارلايدى Egemen.kz.
مامانداردىڭ ايتۋىنشا, اقبۇلقاق وزەنى بيىل 4 مەتردەن جوعارى كوتەرىلدى. قاتتى تاسىدى دەگەندە 2.5 مەترگە دەيىن كوتەرىلەتىن. بۇل جولى ارنادان اسقان اقبۇلقاق وزەنى 5 مەتر دامبىنى شايىپ اكەتتى.
«34 جىلدىق تاريحى بار كوپىرگە 2014 جىلى بوگەۋ دامبى سالىنعان. ون جىلعا جۋىق ۋاقىت وتكەنىمەن, بەرىك ەدى. الايدا, بيىل سۋ كوتەرىلىپ, كوپىردىڭ باسىن قۇلاتىپ كەتتى. قازىر وقيعا ورنىنا اۋىر تەحنيكالار تارتىلىپ, كوپىردى قالپىنا كەلتىرۋ جۇمىستارى باستالدى», دەيدى كاتونقاراعاي اۋدانىنىڭ اكىمى ءدىلدار قاليحان.