بۇگىندە قازاقستاننىڭ بەس وزەنىندە عانا ساپالى سۋ بار. ەكولوگيا مينيسترلىگى ۇسىنعان دەرەكتەرگە سايكەس, ەلدەگى 24 وزەن مەن 4 سۋ قويماسى شەكتەن تىس لاستانعان. قازىرگى ۋاقىتتا ولاردىڭ سۋىن پايدالانۋ مۇمكىن ەمەس, دەپ حابارلايدى Egemen.kz.
«Qazaqstan» ۇلتتىق ارناسى حابارلاعانداي, بۇل تۋرالى ەكولوگيا مينيسترلىگى ازىرلەگەن الداعى جىلدارعا ارنالعان سۋ شارۋاشىلىعى جۇيەسىن دامىتۋ تۇجىرىمداماسىنىڭ جوباسىندا ايتىلعان.
اتالمىش قۇجاتتا قازاقستاننىڭ 28 سۋ وبەكتىسىن قانداي دا ءبىر جولمەن پايدالانۋعا بولمايدى دەلىنگەن.
مينيسترلىك وكىلدەرى تۇسىندىرگەندەي, وزەن مەن سۋ قويمالارى ەلدەگى تاۋ-كەن, مەتاللۋرگيا, حيميا ونەركاسىبتەرى جانە اۋىل شارۋاشىلىعى مەن كوممۋنالدىق شارۋاشىلىقتىڭ اسەرىنەن لاستانىپ جاتىر.